Qýandyq Bıshimbaevtyń eks-jubaıy Nazym Bıshimbaeva Núkenovanyń ólimine qatysty pikirin aıtty, dep habarlaıdy "Adyrna" tilshisi.
Eks-mınıstr Qýandyq Bıshimbaevtyń birinshi áıeli Nazym Bıshimbaeva Instagram paraqshasynda Saltanat Núkenovanyń ólimi týraly jazba jarııalady.
"Únsizdikti toqtataıyn dep uıǵardym. Saltanattyń qaıǵyǵa ushyratqan óliminen 40 kúnnen asa ýaqyt ótti. Ózime de, balalaryma da bolǵan oqıǵany túsiný úshin, sanamda qorytý úshin ýaqyt kerek. Balalarymyzben Saltanattyń týystaryna shyn kóńilden qaıǵyryp kóńil aıtamyz", - dep jazǵan.
Burynǵy mınıstrdiń birinshi áıeli marqum Núkenovamen jeke tanys bolmaǵanyn aıtady. Degenmen Nazymnyń balalary Saltanatty jarqyn júzdi, qaıyrymdy ári óte aqkóńil adam retinde tanyǵan.
"Bul qaıǵyly oqıǵanyń aýyrlyǵy - olarǵa qamqor, qoldaýshy ári úlgi bolýǵa tıis jaqyn adamnyń jasaǵanynda. Al onyń ornyna - úreıli, uıat jáne óte aýyr. Balalarymnyń basyna túsken qıyndyqtarǵa qaramastan, olar árqashan qaıyrymdy ári meıirban bolyp ósetinine senemin", - dep jazdy ol.
