ۇلتتىق قاۋىپسىزدىك كوميتەتى شەكارا قىزمەتىنىڭ بۇرىنعى باسشىسى دارحان دىلمانوۆقا قاتىستى سوت ۇكىمى شىقتى. بۇل تۋرالى الماتى گارنيزونىنىڭ اسكەري سوتى مالىمدەدى، دەپ حابارلايدى ”ادىرنا” ۇلتتىق پورتالى.
مالىمەت بويىنشا، ۇقك توراعاسىنىڭ بۇرىنعى ورىنباسارى - شەكارا قىزمەتىنىڭ ديرەكتورى دارحان ءدىلمانوۆ پەن باسقا دا لاۋازىمدى تۇلعالارعا بيلىكتى اسىرا پايدالاندى جانە ءىرى مولشەردە پارا الدى دەگەن ايىپ تاعىلدى.
«د.ە ەسىمدى ازامات د.دىلمانوۆقا قحر-دان قازاقستانعا جۇكتەردى وتكىزۋ پۋنكتى ارقىلى اۋىستىرىپ تيەۋدىڭ ازىرلەنگەن قىلمىستىق سحەماسىن ەنگىزۋدى ۇسىنعان. ەگەر ول ءساتتى جۇزەگە اسسا، ول ودان بەلگىلى ءبىر تابىس الاتىنى انىقتالدى. باقىلاۋ پۋنكتى ارقىلى تاۋاردى ودان شىقپاي جانە جالپى كەزەكتى اينالىپ ءوتۋدىڭ زاڭسىز سحەماسى ەنگىزىلۋىنە بايلانىستى 1750 رەتتىك رەيس جاسالدى، ناتيجەسىندە ءىرى شىعىن كەلتىرىلدى»، - دەلىنگەن سوت حابارلاماسىندا.
سوتتالۋشىلاردىڭ كىناسى كۋاگەرلەرمەن، اسكەري-جارعىلىق زەرتتەۋلەرمەن، ساراپتامالاردىڭ قورىتىندىلارى جانە قۇجاتتىق تەكسەرۋ اكتىلەرى ارقىلى دالەلدەنگەن.
پروكۋرور ايىپتالۋشىلارعا مۇلكىن تاركىلەپ، 4 جىلدان 9 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا تاعايىنداۋدى سۇرادى.
سوتتالۋشى ق. كىناسىن مويىنداماي، ارەكەتىندە قىلمىس قۇرامىنىڭ بولماۋىنا بايلانىستى اقتاۋدى سۇرادى.
دارحان ءدىلمانوۆ جانە باسقالار ءوز كىنالارىن تولىق مويىنداپ، ىستەگەن ىسىنە وكىنىپ، جازانىڭ ەڭ جەڭىل ءتۇرىن، ەڭ تومەنگى جازا ءتۇرىن تاعايىنداۋدى، سونداي-اق قوسىمشا جازا تۇرلەرىن قولدانباۋدى سۇرادى.
«سوت جاسالعان قىلمىستىڭ سيپاتى مەن قوعامدىق قاۋىپتىلىك دارەجەسىن ەسكەرە وتىرىپ، د.د.-عا قىلمىستىق كودەكستىڭ 450-بابى 2-بولىگى بويىنشا مۇلكى تاركىلەنىپ، 4 جىلعا باس بوستاندىعىنان ايىرۋ تۇرىندەگى جازا تاعايىندادى. قازاقستان رەسپۋبليكاسىنىڭ پرەزيدەنتىنە د.د. «گەنەرال-لەيتەنانت» اسكەري اتاعىنان، ءىى دارەجەلى «ايبىن»مەملەكەتتىك ناگراداسىنان جانە «ۇلتتىق قاۋىپسىزدىك كوميتەتىنىڭ ارداگەرى» قۇرمەتتى اتاعىنان ايىرۋ تۋرالى ۇسىنىس ەنگىزىلسىن»، - دەلىنگەن سوت ۇكىمىندە.
ايىپتالۋشى ق. قر قك-ءنىڭ 28-بابى 5-بولىگى، 450-بابى، 366-بابى 3-بولىگى، 1, 2, 4-تارماقتارىمەن كوزدەلگەن قىلمىستىق قۇقىق بۇزۋشىلىقتاردى جاساعانى ءۇشىن كىنالى دەپ تانىلىپ، وعان 5 جىلعا باس بوستاندىعىنان ايىرۋ جازاسى تاعايىندالدى.
«ە.، قر قك-ءنىڭ 55-بابىن پايدالانا وتىرىپ، قك-ءنىڭ 366-بابى 3-بولىگىنىڭ 1, 2, 4-تارماقشالارىندا كوزدەلگەن قىلمىستىق قۇقىق بۇزۋشىلىقتى جاساعانى ءۇشىن كىنالى دەپ تانىلىپ، وعان پارانىڭ 30 ەسەلەنگەن سوماسى – 1 267 000 تەڭگەگە – 38 010 000 تەڭگە ايىپپۇل سالىندى.
قالعان سوتتالۋشىلارعا مۇلكى تاركىلەنبەستەن 3,5 جىلدان 5,5 جىلعا دەيىن باس بوستاندىعىن شەكتەۋ جازالارى تاعايىندالدى»، دەلىنگەن ۇكىمدە.
سونداي-اق، سوتتالعاندار ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلدى.
ۇكىم زاڭدى كۇشىنە ەنگەن جوق.
