وڭتۇستىك كورەيادا بۇرىنعى پرەمەر-مينيستر حان دوك سۋ 23 جىلعا باس بوستاندىعىنان ايىرىلدى، دەپ حابارلايدى «ادىرنا» ءتىلشىسى.
تەرگەۋ بارىسىندا ونىڭ بۇرىنعى پرەزيدەنت يۋن سوك يولعا كومەكتەسكەنى دالەلدەندى.
پروكۋراتۋرا بۇرىنعى پرەمەردى 15 جىلعا سوتتاۋدى سۇراعان بولاتىن. الايدا حان دوك سۋدىڭ پرەزيدەنتكە كومەك كورسەتكەنى ەسكەرىلىپ، سوت ونى كوتەرىلىسكە قاتىسقان نەگىزگى تۇلعا رەتىندە ايىپتاۋدى ورىندى دەپ تاپتى.
سونىمەن قاتار پرەمەر-مينيستر جالعان كۋالىك بەرۋ، قۇجاتتاردى بۇرمالاۋ جانە جويۋ سياقتى قىلمىستار بويىنشا دا كىنالى دەپ تانىلدى.
ەسكە سالايىق، وڭتۇستىك كورەيا سوتى 2024 جىلعى جەلتوقساندا ەلدە قىسقا مەرزىمدى اسكەري جاعداي ەنگىزگەن بۇرىنعى پرەزيدەنت يۋن سوك ءيولدى سوت تورەلىگىنە كەدەرگى كەلتىردى دەگەن ايىپپەن 5 جىلعا باس بوستاندىعىنان ايىرعان ەدى.
ۇقساس جاڭالىقتار
