وزبەكستاندا 41 جاستاعى ايەل ادام ءجاسوسپىرىم قىزىن ساتپاق بولعانى ءۇشىن سوتتالعانى بەلگىلى بولدى، دەپ حابارلايدى "ادىرنا" ۇلتتىق پورتالى.
ايەل ادام قىزىن ساتۋ ءۇشىن ارنايى قاشقاداريادان كەلگەن. ول 13 جاستاعى ءجاسوسپىرىم قىزىن 25 مىڭ دوللارعا باعالاپ، قاراجاتتى العاننان كەيىن مەيرامحانادا تۇتقىندالعان.
ال ايەل قىزىن ساتۋ ارەكەتىن ءوزىنىڭ ءۇيى جوقتىعىمەن تۇسىندىرگەن. كەيىننەن ول بۇل ارەكەتىنە وكىنەتىنىن ايتتى.
سوت ونى كىنالى دەپ تاۋىپ، بەس جىلعا سوتتادى. ول جازاسىن قاتاڭ رەجيمدەگى كولونيادا وتەيتىن بولادى.
