پاۆلودار وبلىسىنىڭ باياناۋىل اۋداندىق سوتى ونەركاسىپتىك قاۋىپسىزدىك دەپارتامەنتىنىڭ بۇرىنعى باسشىسى مەن مەملەكەتتىك تەحقاداعالاۋ ءبولىمىنىڭ باس مامانىنا قاتىستى ۇكىم شىعاردى، دەپ حابارلايدى “ادىرنا” ۇلتتىق پورتالى.
ولار 2016 جىلى كاسىپورىندى تەكسەرۋ بارىسىندا جىبەرىلگەن سالعىرتتىق ءۇشىن جاۋاپتى دەپ تانىلدى. سول كەزدە بەتون قوسپاسىن توسەۋ ەرەجەلەرىنىڭ بۇزىلعانى انىقتالعانىمەن، ءتيىستى شارالار قابىلدانباعان. بۇل نەمقۇرايلىلىق 2024 جىلى قايعىلى وقيعاعا الىپ كەلدى.
“سوت و.-نى قر قك 371-بابىنىڭ 2-بولىگى بويىنشا كىنالى دەپ تانىپ، ءۇش جىل مەرزىمگە باس بوستاندىعىن شەكتەۋ جازاسىن تاعايىندادى. سونداي-اق وعان ونەركاسىپتىك قاۋىپسىزدىك سالاسىنداعى قاداعالاۋ جانە باقىلاۋ قىزمەتىنە بايلانىستى لاۋازىمداردى اتقارۋعا تىيىم سالىندى”، – دەپ حابارلادى سوت وكىلدەرى.
دەپارتامەنتتىڭ بۇرىنعى باس مامانىنا ەكى جىل مەرزىمگە باس بوستاندىعىن شەكتەۋ جازاسى تاعايىندالىپ، ءۇش جىل بويى قاۋىپتى وندىرىستىك نىساندارداعى باقىلاۋ مەن قاداعالاۋ سالاسىندا جۇمىس ىستەۋگە تىيىم سالىندى. ايتا كەتەيىك، تراگەديا بولعان كەزدە اتالعان تۇلعالار دەپارتامەنتتە جۇمىس ىستەمەگەن.
ايتا كەتەيىك، 2024 جىلعى 4 قاڭتاردا تۇندە پاۆلودار وبلىسىندا “رتسش پۆاسس” جشس-ءنىڭ قۇتقارۋشىلار مىنگەن اۆتوبۋسى جەر استىنداعى ويىققا قۇلاپ، ءتورت ادام قازا تاپقان بولاتىن.
