وزبەكستان شەكارا ماڭىندا اەس سالۋ ءۇشىن ازىرگە استانانىڭ كەلىسىمىن سۇراماعان

«وزبەكستان رەسەيلىك «روساتوم» كومپانياسىمەن بىرگە شاردارا سۋ قويماسىنان جاقىن جەردە، قازاقستان شەكاراسىنىڭ تۇبىندە اەس سالۋ جوباسىن قولعا الىپ جاتىر. سول جوبانى ىسكە اسىرۋ ءۇشىن قازاقستاننىڭ كەلىسىمىن الدى ما؟ بۇل جوباعا ءسىزدىڭ ەكولوگياعا جاۋاپتى مينيستر رەتىندەگى پىكىرىڭىز قانداي؟» - دەپ سۇرادى جۋرناليست.

«جالپى اتوم ەلەكتر ستانسالارىن سالۋ بويىنشا ولار دا ءار ءتۇرلى مۇمكىندىكتەردى قاراستىرىپ جاتىر. بىراق ولار رەسمي تۇردە مىناۋ شەكارالاس مەملەكەتتەرمەن مىندەتتى تۇردە حات جولداپ، بولماسا مۇنى بىزبەن اقىلداسادى. ءبىز دە وتكەندە قاراستىردىق قوي، سول سياقتى ناقتى شەشىم قابىلداندى دەپ ايتۋعا بولمايدى. سول سياقتى ءبىزدىڭ بالقاشتىڭ تۇبىندە اەس سالۋ كەرەك دەگەن شەشىم دە قابىلدانعان جوق. ءتىپتى سالىنا ما، دەگەن ماسەلە تۇر ءالى. وزدەرىڭىز بىلەسىزدەر، قوعامدا بۇل اتوم ەلەكتر ستانساسى جونىندە ءتۇرلى پىكىر تۋىنداپ جاتىر. سول سەبەپتى بۇل ماسەلە اياعىنا دەيىن شەشىلمەگەن»، - دەدى مينيستر.

«مەنىڭ بىلۋىمشە، ولار دا جان-جاقتى قاراپ جاتىر. سۋ كەرەك وعان. سىرداريانىڭ بويىنان دەيدى، ودان-بۇدان دەيدى. بىراق ناقتى شەشىم جوق. ولار ىزدەنىپ جاتىر. ونىڭ بارىنە ءتيىستى ماماندار باعا بەرەدى ول قانداي ەلەكتر ستانساسى بولادى، ونىڭ بۋىنى قانداي بولادى، ەكىنشى مە ءۇشىنشى مە، ءتورتىنشى مە... وعان جاۋاپ بەرەتىن مەن مامان ەمەسپىن. سول سەبەپتەن ماماندار جاۋاپ بەرەدى. ال تەحنيكالىق شەشىمدەرى جاعى ءبىزدىڭ مينيسترلىكتىڭ قۇزىرەتىندە ەمەس. تەحنيكالىق شەشىم قابىلدانعاننان كەيىن عانا ءبىز ولاردى ءوزىمىزدىڭ زاڭعا سايكەستەندىرىپ قارايمىز. وكىنىشكە قاراي، ازىرشە وعان ەشقانداي جاۋاپ بەرە المايمىز»، - دەگەن مينيستر ءوز پىكىرىن بىلدىرۋدەن تارتىنىپ قالدى.