ينفلياتسيا باياۋلاۋدا. قازاقستاندا وتكەن جىلمەن سالىستىرعاندا قانداي تاۋارلار ارزاندادى

فوتو: nonews.co

2026 جىلعى شىلدە ايىندا ينفلياتسيانىڭ ايلىق دەڭگەيى 0,6% قۇرادى، بۇل ماۋسىم ايىنداعى كورسەتكىشتەن (0,8%) تومەن.

شىلدە ايىندا باعانىڭ ەڭ كوپ تومەندەۋى ماۋسىمدىق جەمىس-كوكونىس ونىمدەرىنىڭ جەكەلەگەن تۇرلەرىندە تىركەلدى. اتاپ ايتقاندا، قياردىڭ باعاسى 22,6%، قىزاناق - 17,7%، ءسابىزدىڭ باعاسى - 5,3%، بانان - 4,0%، الما – 2,7%، اپەلسين - 2,3%، ليمون مەن كارتوپ – 1,6%-عا ارزاندادى. سونىمەن قاتار، جۇمىرتقا 1,4%، ارپا جارماسى 1,3% تومەندەدى.

ازىق-تۇلىككە جاتپايتىن تاۋارلار اراسىندا پايدالانىلعان جەڭىل اۆتوموبيل باعاسى 3,8%، ەلەكتر ەتتارتقىش 2,2%، كىر سابىن 1,5%، سمارتفوندار مەن كوزىلدىرىكتەر 1,3%، شاش بوياۋى 0,7% ارزاندادى.

جىلدىق ماندە 2026 جىلعى شىلدەدە ينفلياتسيا دەڭگەيى 10,2% قۇرادى (2026 جىلعى ماۋسىمدا – 10,3%). ازىق-تۇلىككە جاتپايتىن تاۋارلاردىڭ باعاسى 11,7%، ازىق-تۇلىك تاۋارلارىنىڭ باعاسى 10,1%، اقىلى كورسەتىلەتىن قىزمەتتەردىڭ باعاسى 9,2% ءوستى.

وتكەن جىلدىڭ شىلدە ايىمەن سالىستىرعاندا جەمىس-كوكونىس ونىمدەرىنىڭ جەكەلەگەن تۇرلەرى بويىنشا باعانىڭ تومەندەۋى جالعاستى. اتاپ ايتقاندا، قيار باعاسى 31,6%، قىزاناق – 26,5%، پياز – 10,9%، سارىمساق – 8,1%، اپەلسين – 7,8%، الما – 4,7%ا تومەندەدى. سونىمەن قاتار، ازىق-تۇلىك تاۋارلارى اراسىندا كۇرىش باعاسى 4,1%-عا ارزاندادى.

ازىق-تۇلىككە جاتپايتىن تاۋارلار اراسىندا 2025 جىلعى شىلدە ايىمەن سالىستىرعاندا وتاندىق قۇراستىرىلعان جاڭا جەڭىل ءاۆتوموبيلدىڭ باعاسى 16,2%، كونديتسيونەر 10,8%، مەديتسينالىق تەرمومەتر 7,5%-عا، مەديتسينالىق بينت 6,4%-عا تومەندەدى.

تۇتىنۋ باعالارىنىڭ يندەكسى ينفلياتسيا دەڭگەيىن سيپاتتايتىن كورسەتكىش بولىپ تابىلادى جانە اي سايىن ەسەپتەلەدى. باقىلاۋ 537 تاۋار مەن قىزمەت ءتۇرى بويىنشا جۇرگىزىلەدى. ينفلياتسيا ديناميكاسى بويىنشا دەرەكتەر 2018 جىلدان باستاپ قامتىلعان ارنايى ينتەراكتيۆتى داشبوردتا قولجەتىمدى.

*2026 جىلعى قاڭتاردان باستاپ تۇتىنۋ باعالارى يندەكسىن ەسەپتەۋ قۇرىلىمىندا ازىق-تۇلىك تاۋارلارىنىڭ ۇلەسى 41,1%، ازىق-تۇلىككە جاتپايتىن تاۋارلار 28,4%، اقىلى قىزمەتتەر 30,5% قۇرايدى.