2023 جىلعى 30 قاڭتاردا ليتۆانىڭ ۆيلنيۋس قالاسىندا قازاقستان رەسپۋبليكاسى مەن ليتۆا رەسپۋبليكاسى اراسىنداعى تۋريزم جونىندەگى جۇمىس توبىنىڭ وتىرىسى ءوتتى، دەپ حابارلايدى “ادىرنا” ۇلتتىق پورتالى.
قازاقستان رەسپۋبليكاسىنىڭ دەلەگاتسياسىن قازاقستان رەسپۋبليكاسىنىڭ مادەنيەت جانە سپورت ۆيتسە-ءمينيسترى ەرجان ەركىنباەۆ باسقاردى.
قازاقستاندىق دەلەگاتسيانىڭ قۇرامىنا قازاقستاننىڭ ليتۆاداعى ەلشىلىگىنىڭ، قر مسم تۋريزم يندۋسترياسى كوميتەتىنىڭ، «Kazakh Tourism» ۇك «اق، سونداي-اق «شىمبۇلاق» تاۋ-كەن كۋرورتىنىڭ وكىلدەرى ەندى.
ليتۆا رەسپۋبليكاسىنىڭ دەلەگاتسياسىن ليتۆا رەسپۋبليكاسىنىڭ ەكونوميكا جانە يننوۆاتسيالار ۆيتسە-ءمينيسترى ۆينتساس يۋرگۋتيس باسقاردى.
جۇمىس توبىنىڭ رەسمي وتىرىسى بارىسىندا قازاقستاندىق دەلەگاتسيا ەلدىڭ تۋريستىك الەۋەتىن تانىستىردى.
ۆيتسە-مينيستر قازاقستان ءتۋريزمىنىڭ نەگىزگى كورسەتكىشتەرى قالپىنا كەلتىرىلىپ قانا قويماي، 2019 جىلعى كورسەتكىشتەردەن دە اسىپ تۇسكەنىن حابارلادى. قوناقۇيلەر قىزمەت كورسەتكەن شەتەلدىك تۋريستەردىڭ سانى شامامەن 610 مىڭ شەتەلدىك ءتۋريستى قۇرادى. 2022 جىلدىڭ قورىتىندىسى بويىنشا 1 ملن. شەتەلدىك قوناق كۇتىلۋدە.
ليتۆالىق تاراپ قازاقستانداعى ەكوتۋريزم مەن تاۋ شاڭعىسى ءتۋريزمى سياقتى ۇسىنىستارعا، سونداي-اق ليتۆالىق تاراپ بالاماسىن ەنگىزۋگە نيەتتى eQonaq اقپاراتتىق جۇيەسىنە قىزىعۋشىلىق تانىتتى.
تاراپتار تۋريزم سالاسىنداعى ەكىجاقتى ىنتىماقتاستىقتى ودان ءارى نىعايتۋ قازاقستان مەن ليتۆانىڭ بىرلەسكەن ماقساتى بولىپ تابىلاتىنىن اتاپ ءوتتى.
بۇدان باسقا، ەلدەر ساۋىقتىرۋ، تۇراقتى تۋريزم سالاسىنداعى ىنتىماقتاستىقتى جانداندىرۋعا، B2B بايلانىستاردى ىنتالاندىرۋعا نيەتتى.
قازاقستاندىق تاراپ ۆيلنيۋستەگى ارىپتەستەرىنە الماتى قالاسىنداعى «شىمبۇلاق» تاۋلى كۋرورتىندا ليتۆانىڭ تۋريزم كۇندەرىن جانە ۆيلنيۋس قالاسىندا قازاقستاننىڭ تۋريزم كۇندەرىن وتكىزۋ مۇمكىندىگىن قاراستىرۋدى ۇسىندى.
كەزدەسۋ قورىتىندىسى بويىنشا ەكى ەلدىڭ ۆيتسە-مينيسترلەرى جۇمىس كەزدەسۋىنىڭ حاتتاماسىنا قول قويدى.
وسىعان دەيىن، اعىمداعى جىلدىڭ 29 قاڭتارىندا قازاقستاندىق دەلەگاتسيا Adventure23 حالىقارالىق تۋريستىك كورمەسىنە بارعان بولاتىن. كورمە اياسىندا دەلەگاتسيا قاتىسۋشىلاردىڭ ستەندتەرىمەن تانىستى.
