حالىقارالىق قاتىناستار، قورعانىس جانە قاۋىپسىزدىك كوميتەتىنىڭ توراعاسى مۇحتار قۇل-مۇحامەد رەسەيلىك تەلەارناداعى قازاقستانعا قاتىستى ايتىلعان داۋلى سوزگە جاۋاپ بەردى، دەپ حابارلايدى “ادىرنا” ۇلتتىق پورتالى.
"سولوۆەۆ الەمنىڭ كوپتەگەن ەلدەرىندە بۇرىننان نون گراتا العان ادام بولاتىن جانە قازىر بارلىق تۇردەگى سانكتسيالىق قارا تىزىمدە بار. سوندىقتان ىزا-كەكتىڭ سالدارىنان ول بارىنە جارماسىپ ۋلى سىلەكەيىن شاشىپ ءجۇر", – دەدى قۇل-مۇحاممەد سەنات كۋلۋارىندا.
سونداي-اق، ول سولوۆەۆتىڭ تەلەباعدارلاماسىندا ءوزىنىڭ جەكە شىعاتىنىن جانە باعدارالاماعا ارانداتۋشىلىق مالىمدەمە جاسايتىن قوناقتاردىڭ شاقىراتىنىن اتاپ ءوتتى.
"مۇنىڭ ءبارى تىكەلەي ەفيردە جانە ەسۋاستىق بولادى", – دەيدى ول.
ساياساتتانۋشى دروبنيتسكيدىڭ ۋكراينادان "كەيىنگى ماسەلەمىز قازاقستان بولۋى مۇمكىن" دەگەن سوزىنە تۇسىنىكتەمە بەرگەن مۇحتار قۇل-مۇحامەد مۇنى ەلىمىز ءۇشىن تىكەلەي قاۋىپ دەپ سانايتىنىن جەتكىزگەن.
ول سولوۆەۆ بۇرىن "روسسيا 1" تەلەارناسىندا الماتىعا بومبا "تاستاپ جىبەرۋدى" ۇسىنعانىن ەسكە سالدى، ودان باعدارلامانىڭ مەيمانى - مەملەكەتتىك دۋمانىڭ دەپۋتاتى ونيششەنكو دا ۇرەيلەنىپ قالعان بولاتىن.
"ەگەر ول ەۋرازيالىق ەكونوميكالىق وداق پەن ۇقشۇ-دا بىرگە تۇرعان بىزگە دوس رەسەيدىڭ مەملەكەتتىك ارناسىنىڭ ەفيرىندە كورسەتىلمەسە، دۇدامال ساراپشىسى-فانتاست دروبنيتسكيدىڭ، ول - جۋكوۆ قوي، پىكىرىنە نازار اۋدارماس ەدىك. قازاقستان 30 جىلدان استام ۋاقىت بويى تاۋەلسىز مەملەكەت بولىپ كەلەدى. سولوۆەۆ پەن وعان ۇقساس ساياساتكەرلەر شىنايى شىندىقتى ءتۇسىنىپ، جاڭا گەوساياسي شىندىقپەن ساناسۋدى ۇيرەنەتىن ۋاقىت كەلدى", - دەدى مۇحتار قۇل-مۇحامەد.
