تاجىكستان پرەزيدەنتى ەمومالي راحمون ءفيردوۋسيدىڭ "شاحناما" پوەماسىن شىعارىپ، جانە ونى ەلدىڭ بارلىق تۇرعىندارىنا قولجەتىمدى ەتۋدى تاپسىردى، دەپ حابارلايدى "ادىرنا" ءتىلشىسى پرەزيدەنتتىڭ ءباسپاسوز قىزمەتىنە سىلتەپ.
بۇل تۋرالى پرەزيدەنت 5 جەلتوقساندا دۋشانبەدە وتكەن "بوبودجون گافۋروۆ – تاجىك حالقى تاريحىنىڭ ەڭ ءىرى زەرتتەۋشىسى جانە ناسيحاتتاۋشىسى" اتتى حالىقارالىق جيىندا مالىمدەگەن.
ەمومالي راحمون سونىمەن قاتار ۇكىمەتتىڭ ماقساتى تاجىك حالقىنىڭ تاريحى مەن عىلىمي، ادەبي، مادەني، وركەنيەتتى مۇراسىن ساقتاۋ ەكەنىن اتاپ ءوتتى.
"وسى باعالى مۇرانى حالقىمىزدىڭ بىرلىگى، ماقتانىشى، اتا - بابالارىمىزدىڭ وتانىنىڭ وركەندەۋى جانە جاڭا ۇلتتىق مەملەكەتتىلىگىمىزدىڭ نەگىزدەرىن نىعايتۋ ءۇشىن پايدالانۋىمىز كەرەك",-دەدى ول.
سول سەبەپتى تاجىكستان پرەزيدەنتى بۇل كىتاپتى ءار تۇرعىنعا سىيلاماق.
دەگەنمەن، "شاحناما " بيلىكتىڭ تاجىكستان تۇرعىندارىنا سىيعا تارتقان العاشقى كىتابى ەمەس. 2020 جىلى ەمومالي راحمون ءار وتباسىنا بوبودجون گافۋروۆتىڭ "تاجىكتەر" كىتابىن سىيعا تارتۋدى بۇيىردى.
