Tájikstan prezıdenti Emomalı Rahmon Fırdoýsıdiń "Shahnama" poemasyn shyǵaryp, jáne ony eldiń barlyq turǵyndaryna qoljetimdi etýdi tapsyrdy, dep habarlaıdy "Adyrna" tilshisi prezıdenttiń baspasóz qyzmetine siltep.
Bul týraly prezıdent 5 jeltoqsanda Dýshanbede ótken "Bobodjon Gafýrov – tájik halqy tarıhynyń eń iri zertteýshisi jáne nasıhattaýshysy" atty halyqaralyq jıynda málimdegen.
Emomalı Rahmon sonymen qatar úkimettiń maqsaty tájik halqynyń tarıhy men ǵylymı, ádebı, mádenı, órkenıetti murasyn saqtaý ekenin atap ótti.
"Osy baǵaly murany halqymyzdyń birligi, maqtanyshy, ata - babalarymyzdyń Otanynyń órkendeýi jáne jańa ulttyq memlekettiligimizdiń negizderin nyǵaıtý úshin paıdalanýymyz kerek",-dedi ol.
Sol sebepti Tájikstan prezıdenti bul kitapty ár turǵynǵa syılamaq.
Degenmen, "Shahnama " bıliktiń Tájikstan turǵyndaryna syıǵa tartqan alǵashqy kitaby emes. 2020 jyly Emomalı Rahmon ár otbasyna Bobodjon Gafýrovtyń "tájikter" kitabyn syıǵa tartýdy buıyrdy.
