22-23 تامىز كۇندەرى قازاقستان پرەزيدەنتى تاجىكستان رەسپۋبليكاسىنا مەملەكەتتىك ساپارمەن بارادى. بۇل تۋرالى اقوردا جاريالادى، دەپ حابارلايدى “ادىرنا” ۇلتتىق پورتالى.
ساپار اياسىندا شاعىن قۇرامدا جانە ەكى ەل ۇكىمەتتەرى دەلەگاتسيالارىنىڭ قاتىسۋىمەن جوعارى دەڭگەيدە كەلىسسوزدەر وتەدى.
"مەملەكەت باسشىسى قاسىم-جومارت توقاەۆ پەن پرەزيدەنت ەمومالي راحمون قازاقستان مەن تاجىكستان اراسىنداعى ستراتەگيالىق سەرىكتەستىكتىڭ قازىرگى جاي-كۇيى مەن دامۋ پەرسپەكتيۆاسىن تالقىلايدى", - دەلىنگەن حابارلامادا.
سونداي-اق ەكى ەلدىڭ cاياسي، ساۋدا-ەكونوميكالىق جانە مادەني-گۋمانيتارلىق سالالارداعى ىنتىماقتاستىعىن نىعايتۋدى كوزدەيتىن بىرقاتار قۇجاتقا قول قويىلادى دەپ جوسپارلانىپ وتىر.
