Steppe & World Publishing باسپا ءۇيى فرانتسۋز تاريحشىسى ماري فاۆەرونىڭ «The Horde: How the Mongols Changed the World» اتتى ەڭبەگىن قازاق تىلىنە اۋدارىپ شىعاردى. قازاقشا باسىلىم «التىن وردا: دالا يمپەرياسى الەمدى قالاي وزگەرتتى» دەگەن اتاۋمەن جارىق كوردى، دەپ حابارلايدى "ادىرنا".
كىتاپ 2021 جىلى Harvard University Press باسپاسىنان باسىلىپ، حالىقارالىق عىلىمي ورتادا كەڭ تالقىلانعان. ەڭبەك ورتاعاسىرلىق ەۋرازيا تاريحىنا، موڭعول يمپەرياسى مەن جوشى ۇلىسىنا قاتىستى جاڭا زەرتتەۋ ۇستانىمدارىمەن ەرەكشەلەنەدى.
اۆتور التىن وردانى تەك جاۋلاپ الۋشى كۇش رەتىندە ەمەس، ەۋرازيا كەڭىستىگىندەگى ساياسي، ەكونوميكالىق جانە ديپلوماتيالىق ۇدەرىستەرگە ىقپال ەتكەن مەملەكەتتىك قۇرىلىم رەتىندە قاراستىرادى. كىتاپتا جوشى اۋلەتىنىڭ بيلىگى، باسقارۋ جۇيەسى، ساۋدا جولدارى، قالالارمەن بايلانىس، يسلامدانۋ ۇدەرىسى جانە التىن وردانىڭ كەيىنگى مەملەكەتتەرگە ىقپالى تالدانادى.
باسپا مالىمەتىنشە، جوبا قازاقستانداعى فرانتسيا ەلشىلىگىنىڭ قولداۋىمەن جۇزەگە اسقان. قازاقشا اۋدارماسىن نازگۇل قوجابەك دايىنداعان.
كىتاپ جاقىن ۋاقىتتا كىتاپ دۇكەندەرىندە ساتىلىمعا شىعادى.
