بۇگىن نۇرسۇلتان نازارباەۆتىڭ كىتابى جارىققا شىققانى رەسمي حابارلاندى. بۇل تۋرالى ەكس-پرەزيدەنتتىڭ ءباسپاسوز حاتشىسى ايدوس ۇكىباي ايتتى، دەپ حابارلايدى «ادىرنا» ءتىلشىسى.
«بۇگىن نۇرسۇلتان نازارباەۆتىڭ «مەنىڭ ءومىرىم. بوداندىقتان – بوستاندىققا» اتتى كىتابى جارىققا شىقتى»، - دەپ جازدى ول.
ەستىلىك كىتاپ بۇگىننەن باستاپ «مەلومان» جانە «الماتىكىتاپ» دۇكەندەر جەلىسىندە ساتىلادى.
«بۇل كىتاپ وقىرماندى تاۋەلسىز قازاقستاننىڭ تاريحىنا جاڭا قىرىنان ۇڭىلۋگە، ازاتتىقتىڭ العاشقى جىلدارىندا ەل تىزگىنىن ۇستاعان تۇلعانىڭ كوزىمەن قاراۋعا جەتەلەيدى.
اۆتور تىكەلەي بەل ورتاسىندا بولعان تاريحي وقيعالار كورىنىس تاپقان تۋىندىدا نۇرسۇلتان نازارباەۆ ءوزىنىڭ ءومىر جولىمەن قاتار، ەلىمىزدىڭ قالىپتاسۋى جانە دامۋ كەزەڭدەرى تۋرالى ەستەلىكتەرىمەن ءبولىستى. اسا ماڭىزدى ساياسي وقيعالار، اۋقىمدى ەكونوميكالىق جاڭعىرۋلار، كۇردەلى حالىقارالىق كەلىسسوزدەر، ەل باسقارعان كەزدە قابىلداعان ستراتەگيالىق شەشىمدەر تۋرالى باياندادى.
جەكە سىرىن اعىنان جارىلىپ ايتۋى، قاڭتار وقيعاسىنا قاتىستى پايىمداۋلارىن ورتاعا سالۋى تۇڭعىش پرەزيدەنتتىڭ بۇل كىتابىنىڭ سالماعىن ارتتىرا تۇسەدى»،—دەپ جازدى ەكس-پرەزيدەنتتىڭ رەسمي سايتى.
ايتا كەتەيىك، كىتاپتىڭ شىعۋ كۇنى 1 جەلتوقسان — تۇڭعىش پرەزيدەنت كۇنىمەن تۇسپا-تۇس كەلىپ وتىر.
