قازاقستان 2024 جىلى بىرىڭعاي ۋاقىت بەلدەۋىنە كوشۋى مۇمكىن. ساۋدا جانە ينتەگراتسيا مينيسترلىگى ۇكىمەت قاۋلىسىنا ءتيىستى وزگەرتۋلەر ەنگىزۋ تۋرالى جوبانى دايىندادى، دەپ حابارلايدى «ادىرنا» ءتىلشىسى.
قۇجاتقا سايكەس، استانا، الماتى، شىمكەنت قالالارىنىڭ، اباي، اقمولا، الماتى، جامبىل، جەتىسۋ، قاراعاندى، قوستاناي، پاۆلودار، سولتۇستىك قازاقستان، تۇركىستان، ۇلىتاۋ، شىعىس قازاقستان وبلىستارىنىڭ اكىمدىكتەرى 2024 جىلعى 29 اقپاننان 2024 جىلعى 01 ناۋرىزعا قاراعان ءتۇنى (ساعات 00:00-دە) جەرگىلىكتى ۋاقىتتى 1 ساعاتقا ارتقا اۋىستىرادى.
ايتا كەتەيىك، جوبا 22 جەلتوقسانعا دەيىن قوعامدىق تالقىلاۋدا بولادى. قازاقستاندىقتار «اشىق نقا» پورتالىندا پىكىرىن جازا الادى.
