ەندى جەكە كۋالىك جانە باسقا دا تسيفرلىق قۇجاتتار Kaspi جانە Halyk Bank ءموبيلدى قوسىمشالارىندا قولجەتىمدى بولادى. بۇل تۋرالى تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين مالىمدەدى، دەپ حابارلايدى “ادىرنا” ۇلتتىق پورتالى.
«بىلتىردان بەرى «ۇلتتىق اقپاراتتىق تەحنولوگيالار» اق، Kaspi جانە Halyk بانكتەرى ماماندارىمەن بىرلەسىپ، تسيفرلىق قۇجاتتاردى ءموبيلدى قوسىمشالارعا شىعارۋ جۇمىسىن اتقارىپ جاتىرمىز. بۇگىن وسى مۇمكىندىك رەسمي تۇردە ىسكە قوسىلادى» دەپ جازدى ول الەۋمەتتىك جەلىدە.
ءمينيستردىڭ ايتۋىنشا، قازىر 10 ملن قازاقستاندىق تۇراقتى تۇردە تسيفرلىق قۇجاتتار سەرۆيسىن قولدانادى.
«بۇل وتە ىڭعايلى – وزىڭمەن بىرگە قۇجاتتىڭ تۇپنۇسقاسىن الىپ ءجۇرۋ قاجەت ەمەس. بۇگىننەن باستاپ سەرۆيس Kaspi.kz جانە Halyk Homebank قوسىمشالارىندا قولجەتىمدى. سەبەبى، حالىق مەملەكەتتىك قىزمەتتەرگە ءبىزدىڭ عانا ەمەس، وزدەرىنە ىڭعايلى، كۇندەلىكتى قولداناتىن ارنالارى ارقىلى قول جەتكىزگەنىن قالايمىز»، – دەپ اتاپ ءوتتى مۋسين.
بۇل فۋنكتسيا ازاماتتاردىڭ كەلىسىمىمەن عانا جۇزەگە اسىرىلاتىن بولادى.
”ادىرنا” ۇلتتىق پورتالى
