«نازارباەۆ قورى» قازاقستاندا كورپوراتيۆتىك تابىس سالىعىن تولەۋدەن بوساتىلدى، دەپ مالىمدەدى قازاقستان رەسپۋبليكاسى ءماجىلىسىنىڭ دەپۋتاتى ءادىل جۇبانوۆ. بۇل تۋرالى «ادىرنا» ۇلتتىق پورتالى حابارلايدى.
«قازاقستاندا «پروبلەمالىق نەسيە قورى» اق جانە «نازارباەۆ قورى» جەكە قورى كورپوراتيۆتىك تابىس سالىعىن (كتس) تولەۋدەن بوساتىلدى. سالىقتىق جەڭىلدىكتەردى MEGA ساۋدا ورتالىقتارى جەلىسى، ءدارى-دارمەك يمپورتتايتىن جانە ولاردى جوعارى باعامەن ساتاتىن فارماتسەۆتيكالىق كومپانيالار، نەگىزىنەن ءونىم قۇراستىرۋمەن اينالىساتىن، ققس (قوسىلعان قۇن سالىعى) نولدىك مولشەرلەمەسى بار جانە وزبەكستانعا ەكسپورتقا ساتاتىن Hyundai Trans Kazakhstan پايدالانادى»، - دەدى جۇبانوۆ سارسەنبى كۇنگى ءماجىلىس وتىرىسىندا.
ونىڭ ايتۋىنشا، Hyundai Trans Kazakhstan وزبەكستان بيۋدجەتىنە 25 ملن دوللار سالىق تولەگەن. ونىڭ ۇستىنە بۇل كومپانيا 2015 جىلدان باستاپ مەملەكەتتەن 160 ميلليارد تەڭگەدەن استام سۋبسيديا الدى.
سونداي-اق قولدانىستاعى رەداكتسيا قۇرامىندا مۇگەدەك جۇمىسكەرلەرى بار كومپانيالاردى ققس تولەۋدەن بوساتۋ بويىنشا جەڭىلدىكتەر – وسى جەڭىلدىكتى بيۋدجەت الدىنداعى مىندەتتەمەلەرىن ازايتۋ ءۇشىن ايلا-شارعى جاساۋعا مۇمكىندىك بەرەدى. ول قابىلدانعاننان بەرى ققس بويىنشا بوساتىلعان اينالىم سوماسى 2018 جىلعى 5,4 ملرد تەڭگەدەن 2021 جىلى 86,2 ملرد تەڭگەگە دەيىن 16 ەسەگە ءوستى.
سالىق كودەكسىندە جەكە سيپاتتاعى جەڭىلدىكتەر بەرەتىن نورمالار بار، بۇل سالىق سالۋدىڭ ادىلدىك قاعيداتىنا قايشى كەلەدى، دەپ قوستى جۇبانوۆ.
ەسكەرە كەتەيىك، كورپوراتيۆتىك تابىس سالىعىن قازاقستان رەسپۋبليكاسىندا قىزمەتىن تۇراقتى مەكەمە ارقىلى جۇزەگە اسىراتىن نەمەسە قازاقستان رەسپۋبليكاسىنداعى كوزدەردەن تابىس الاتىن زاڭدى تۇلعا-بەيرەزيدەنتتەر تولەيدى.
«ادىرنا» ۇلتتىق پورتالى
