سالىق تالاپتارى ءجيى وزگەرىپ وتىرادى. ال ينتەرنەتتەن سەنىمدى ءارى ناقتى اقپارات تابۋ ءاردايىم وڭاي ەمەس. كاسىپكەرلەرگە قولدانىستاعى ەرەجەلەردى تۇسىنۋگە Onlinebank قوسىمشاسىنداعى Halyk سالىق كومەكشىسى جاردەمدەسەدى. سونىمەن قاتار قوسىمشا ارقىلى جەكە جانە قىزمەتكەرلەر ءۇشىن سالىق تولەۋگە، بەرەشەكتى وتەۋگە، ايىپپۇلدار مەن ءوسىمپۇلداردى تولەۋگە بولادى.
ەرەجەلەر وزگەرەدى، ال قولايلىلىق ساقتالادى
2026 جىلى جاڭا سالىق كودەكسى كۇشىنە ەنۋىنە بايلانىستى سالىق ەسەپتىلىگىنىڭ كولەمى 30%-عا، سالىق تۇرلەرىنىڭ سانى 20%-عا قىسقاردى. ال ارناۋلى سالىق رەجيمدەرىنىڭ سانى ۇشەۋ بولىپ بەلگىلەندى. دەگەنمەن، ينتەرنەتتەگى كوپتەگەن ماتەريالدا بۇرىنعى تالاپتار ءالى دە كەزدەسەدى. Onlinebank قوسىمشاسىنداعى جاڭا فۋنكتسيا – سالىق ماسەلەلەرى بويىنشا جي كومەكشىسى قازاقستان رەسپۋبليكاسىنىڭ قولدانىستاعى سالىق كودەكسىنە سايكەس وزەكتى اقپارات الۋعا مۇمكىندىك بەرەدى.
ونىڭ كومەگىمەن سالىق بەرەشەگىنىڭ بار-جوعىن تەكسەرۋگە، سالىق مولشەرلەمەلەرى، تولەۋ مەرزىمدەرى، شەگەرىمدەر مەن جەڭىلدىكتەر تۋرالى بىلۋگە، سونداي-اق 2026 جىلى ەنگىزىلگەن وزگەرىستەردىڭ ءوز بيزنەسىنە قالاي اسەر ەتەتىنىن انىقتاۋعا بولادى.
Halyk Bank ارقىلى جىل سايىن 10 ميلليوننان استام سالىق جانە الەۋمەتتىك تولەم جۇزەگە اسىرىلادى. سالىق تولەۋ قىزمەتىن 30 مىڭ جەكە كاسىپكەر مەن 50 مىڭنان استام جاۋاپكەرشىلىگى شەكتەۋلى سەرىكتەستىك پايدالانىپ ۇلگەرگەن.
وزىڭىزگە جانە قىزمەتكەرلەرىڭىزگە سالىناتىن سالىقتى ءبىر قوسىمشا ارقىلى تولەڭىز
جەكە كاسىپكەر رەتىندە ءوزىڭىز ءۇشىن نەمەسە قىزمەتكەرلەرىڭىزگە سالىق تولەۋ ءۇشىن Onlinebank قوسىمشاسىنداعى «سالىقتار» بولىمىنە ءوتۋ جەتكىلىكتى. مۇندا مىندەتتى زەينەتاقى جارنالارىن (مزج), جۇمىس بەرۋشىنىڭ مىندەتتى زەينەتاقى جارنالارىن (جمزج), الەۋمەتتىك اۋدارىمداردى جانە مىندەتتى الەۋمەتتىك مەديتسينالىق ساقتاندىرۋعا ء(مامس) ارنالعان تولەمدەردى دە اۋدارۋعا بولادى. زاڭنامادا كوزدەلگەن تولەمدەردىڭ بارلىعىن ءبىر وپەراتسيا ارقىلى اۋدارۋ ءۇشىن بىرىڭعاي تولەمدى پايدالانۋعا مۇمكىندىك بار.
تولەنۋگە ءتيىس سومالار اۆتوماتتى تۇردە ەسەپتەلەدى. سوندىقتان مولشەرلەمەلەر مەن فورمۋلالاردى ءوز بەتىڭىزشە قولدانۋدىڭ قاجەتى جوق. بۇل ارتىق نەمەسە كەم تولەم جاساۋ قاۋپىن ازايتادى.
ەسەپتەۋ كەزىندە ءتيىستى سالىقتىق شەگەرىمدەر مەن جەڭىلدىكتەر دە ەسكەرىلەدى. ولار سالىق جۇكتەمەسىن زاڭدى تۇردە ازايتۋعا مۇمكىندىك بەرەدى. الايدا كاسىپكەرلەردىڭ بارلىعى بىردەي مۇنداي جەڭىلدىكتەردى پايدالانۋ قۇقىعى بار ەكەنىن بىلە بەرمەيدى نەمەسە ولاردىڭ شارتتارىن زەردەلەۋگە ۋاقىت تاپپايدى.
سونداي-اق Onlinebank ارقىلى سالىق بەرەشەگىن وتەۋگە، ايىپپۇلدار مەن ءوسىمپۇلداردى تولەۋگە بولادى. ول ءۇشىن تولەم دەرەكتەمەلەرىن ءوز بەتىڭىزشە ىزدەپ، بانك بولىمشەسىنە بارۋدىڭ قاجەتى جوق.
بۇل بيزنەسكە نە بەرەدى؟
Onlinebank-ءتىڭ سالىق سەرۆيستەرى كاسىپكەرلەرگە كۇندەلىكتى قايتالاناتىن جۇمىستارعا كەتەتىن ۋاقىتتى ۇنەمدەۋگە جانە قاتەلىكتەر قاۋپىن ازايتۋعا كومەكتەسەدى. اۆتوماتتى ەسەپتەۋ ارتىق نەمەسە كەم تولەم جاساۋ ىقتيمالدىعىن تومەندەتسە، بەرەشەكتى تەكسەرۋ تولەنبەگەن سومالاردى ۋاقىتىندا انىقتاپ، ءوسىمپۇل ەسەپتەلمەي تۇرىپ وتەۋگە مۇمكىندىك بەرەدى.
سالىق ماسەلەلەرى بويىنشا جي كومەكشىسى كاسىپكەرلەرگە قولدانىستاعى زاڭنامانى تۇسىنۋگە، ەنگىزىلگەن وزگەرىستەردەن حاباردار بولۋعا جانە قولجەتىمدى شەگەرىمدەر مەن جەڭىلدىكتەردى ەسكەرۋگە كومەكتەسەدى. وسىلايشا كاسىپكەر قاجەتتى تۇسىندىرمەنى الىپ، سالىق تولەۋ ءراسىمىن ءبىر قوسىمشانىڭ ىشىندە جۇزەگە اسىرا الادى.
