«Nazarbaev Qory» Qazaqstanda korporatıvtik tabys salyǵyn tóleýden bosatyldy, dep málimdedi Qazaqstan Respýblıkasy Májilisiniń depýtaty Ádil Jubanov. Bul týraly «Adyrna» ulttyq portaly habarlaıdy.
«Qazaqstanda «Problemalyq nesıe qory» AQ jáne «Nazarbaev qory» jeke qory korporatıvtik tabys salyǵyn (KTS) tóleýden bosatyldy. Salyqtyq jeńildikterdi MEGA saýda ortalyqtary jelisi, dári-dármek ımporttaıtyn jáne olardy joǵary baǵamen satatyn farmaevtıkalyq kompanııalar, negizinen ónim qurastyrýmen aınalysatyn, QQS (Qosylǵan qun salyǵy) nóldik mólsherlemesi bar jáne Ózbekstanǵa eksportqa satatyn Hyundai Trans Kazakhstan paıdalanady», - dedi Jubanov sársenbi kúngi Májilis otyrysynda.
Onyń aıtýynsha, Hyundai Trans Kazakhstan Ózbekstan bıýdjetine 25 mln dollar salyq tólegen. Onyń ústine bul kompanııa 2015 jyldan bastap memleketten 160 mıllıard teńgeden astam sýbsıdııa aldy.
Sondaı-aq qoldanystaǵy redakııa quramynda múgedek jumyskerleri bar kompanııalardy QQS tóleýden bosatý boıynsha jeńildikter – osy jeńildikti bıýdjet aldyndaǵy mindettemelerin azaıtý úshin aıla-sharǵy jasaýǵa múmkindik beredi. Ol qabyldanǵannan beri QQS boıynsha bosatylǵan aınalym somasy 2018 jylǵy 5,4 mlrd teńgeden 2021 jyly 86,2 mlrd teńgege deıin 16 esege ósti.
Salyq kodeksinde jeke sıpattaǵy jeńildikter beretin normalar bar, bul salyq salýdyń ádildik qaǵıdatyna qaıshy keledi, dep qosty Jubanov.
Eskere keteıik, korporatıvtik tabys salyǵyn Qazaqstan Respýblıkasynda qyzmetin turaqty mekeme arqyly júzege asyratyn nemese Qazaqstan Respýblıkasyndaǵy kózderden tabys alatyn zańdy tulǵa-beırezıdentter tóleıdi.
«Adyrna» ulttyq portaly
