76 جاستاعى اكتەر جانە ساياساتكەر ارنولد شۆارتسنەگگەر ميۋنحەن اۋەجايىندا كەدەندىك تەكسەرۋدەن ءوتىپ جاتقان كەزدە ۇستالدى. سول جەردەن ول اۆستريانىڭ كيتتسبيۋحەل قالاسىندا وتەتىن دۇنيەجۇزىلىك كليماتتىق سامميتكە بارۋدى جوسپارلاعان، دەپ حابارلايدى “ادىرنا” ۇلتتىق پورتالى.
نەمىستىڭ BILD ينتەرنەت-باسىلىمىنىڭ حابارلاۋىنشا، كەزدەيسوق تەكسەرۋ كەزىندە شۆارتسنەگگەردە اۋكتسيوندا شامامەن 20 مىڭ ەۋروعا ساتپاق بولعان شۆەيتساريالىق Audemars Piguet كومپانياسىنىڭ ءساندى ساعاتى بار ەكەنى انىقتالدى.
«ءبىز ارنولد شۆارتسنەگگەردى سالىق تولەۋدەن جالتارعانى ءۇشىن تەرگەپ جاتىرمىز. ول ساعاتتى دەكلاراتسيالاۋى كەرەك ەدى، سەبەبى ول يمپورت بولاتىن»، - دەدى ميۋنحەن كەدەنىنىڭ وكىلى توماس مەيستەر.
بەلگىلى بولعانداي، شۆارتسنەگگەر كەدەندە ءۇش ساعاتتان سوڭ بوساتىلعان. سونىمەن قاتار، اكتەر ساعاتى ءۇشىن 26 000 ەۋرو، سالىق رەتىندە 4 000 ەۋرو جانە ايىپپۇل رەتىندە 5 000 ەۋرو تولەۋگە ءماجبۇر بولدى. سومانىڭ جارتىسىن قولما-قول تولەۋدى تالاپ ەتكەن.
