قازاقستاندا بەنزين مەن ديزەل وتىنىنىڭ ەكسپورتىنا تىيىم سالۋ مەرزىمى ۇزارتىلۋى مۇمكىن، دەپ حابارلايدى «ادىرنا» ۇلتتىق پورتالى.
جاڭا تىيىم كەلەسى جىلدىڭ 14 اقپانىندا كۇشىنە ەنەدى دەپ كۇتىلۋدە. تىيىم سالۋ مەرزىمى 6 اي. ءتيىستى بۇيرىقتىڭ جوباسى قوعامدىق تالقىلاۋ ءۇشىن «نورماتيۆتىك قۇقىقتىق اكتىلەر» پورتالىندا جاريالاندى بۇيرىق جوباسى ءبىر كۇن بۇرىن، ياعني 4 جەلتوقساندا سايتتا جاريالانعان، قوعامدىق تالقىلاۋ 19 جەلتوقساندا اياقتالادى.
ەسكە سالايىق، بيىلعى جىلدىڭ تامىز ايىندا قازاقستاندا بەنزين مەن ديزەل وتىنىن ەكسپورتتاۋعا تىيىم سالىنۋ ۋاقىتى تاعى دا ۇزارتىلعان بولاتىن. ودان كەيىن قر ەنەرگەتيكا مينيسترلىگى، قارجى مينيسترلىگى، ىشكى ىستەر مينيسترلىگى جانە ۇلتتىق قاۋىپسىزدىك كوميتەتىنىڭ بىرلەسكەن بۇيرىعى كۇشىنە ەندى. تىيىم سالۋ ۋاقىتى 6 ايعا ەنگىزىلدى.
ايتا كەتەيىك، جانار-جاعارماي ەكسپورتىنا سالىنعان تىيىمنىڭ ۇزارتىلۋى ءبىرىنشى رەت ەمەس. بۇل تىيىم بەزنين مەن ديزەلدىك وتىن باعاسىنىڭ كۇرت وسۋىنە جول بەرمەۋ ءۇشىن ەنگىزىلدى، دەپ باسا ايتتى ەنەرگەتيكا مينيسترلىگى. ۆەدومستۆو ىشكى نارىقتا تۇراقتى ۇسىنىستى ساقتاۋ جانە جانار-جاعارماي باعاسىنىڭ كۇرت وسۋىنە قارسى تۇرۋ ءۇشىن بۇل تىيىمدى ۇزارتۋعا بولاتىنىن اتاپ ءوتتى.
«ادىرنا» ۇلتتىق پورتالى
