Qazaqstanda benzın men dızel otynynyń eksportyna tyıym salý merzimi uzartylýy múmkin, dep habarlaıdy «Adyrna» ulttyq portaly.
Jańa tyıym kelesi jyldyń 14 aqpanynda kúshine enedi dep kútilýde. Tyıym salý merzimi 6 aı. Tıisti buıryqtyń jobasy qoǵamdyq talqylaý úshin «Normatıvtik quqyqtyq aktiler» portalynda jarııalandy Buıryq jobasy bir kún buryn, ıaǵnı 4 jeltoqsanda saıtta jarııalanǵan, qoǵamdyq talqylaý 19 jeltoqsanda aıaqtalady.
Eske salaıyq, bıylǵy jyldyń tamyz aıynda Qazaqstanda benzın men dızel otynyn eksporttaýǵa tyıym salyný ýaqyty taǵy da uzartylǵan bolatyn. Odan keıin QR Energetıka mınıstrligi, Qarjy mınıstrligi, Ishki ister mınıstrligi jáne Ulttyq qaýipsizdik komıtetiniń birlesken buıryǵy kúshine endi. Tyıym salý ýaqyty 6 aıǵa engizildi.
Aıta keteıik, janar-jaǵarmaı eksportyna salynǵan tyıymnyń uzartylýy birinshi ret emes. Bul tyıym beznın men dızeldik otyn baǵasynyń kúrt ósýine jol bermeý úshin engizildi, dep basa aıtty Energetıka mınıstrligi. Vedomstvo ishki naryqta turaqty usynysty saqtaý jáne janar-jaǵarmaı baǵasynyń kúrt ósýine qarsy turý úshin bul tyıymdy uzartýǵa bolatynyn atap ótti.
«Adyrna» ulttyq portaly
