قازاقستان كاسپي قۇبىر كونسورتسيۋمى ارقىلى مۇناي تاسىمالداۋدا ىركىلىس بولعان جاعدايدا باكۋ–سۋپسا باعىتىن پايدالانۋدى قاراستىرىپ جاتىر، دەپ حابارلايدى “ادىرنا”.
بۇل تۋرالى ەنەرگەتيكا ءمينيسترى ەرلان اقكەنجەنوۆ 25 تامىزدا ايتتى.
ءمينيستردىڭ سوزىنشە، ازىرگە بۇل ماسەلە بويىنشا ازەربايجان تاراپىمەن تىكەلەي كەلىسسوز جۇرگىزىلمەگەن. الدىمەن قازاقستان بالاما باعىتتى پايدالانۋ مۇمكىندىگىن ءوز ىشىندە پىسىقتاۋى كەرەك.
«كقك-عا جاسالعان شابۋىل سالدارىنان 3,5 ملن توننا مۇنايدى ەكسپورتتاي المادىق. بۇل كولەمدى اقتاۋ پورتى ارقىلى باكۋ–سۋپسا قۇبىرىمەن جونەلتۋگە بولار ەدى»، – دەدى ول.
باكۋ–سۋپسا قۇبىرى جىلىنا شامامەن 5 ملن توننا مۇناي وتكىزە الادى.
ەسكە سالايىق، كقك-عا جاسالعان شابۋىلداردان كەيىن قازاقستانداعى مۇناي ءوندىرۋ كولەمى 98 ملن توننادان 96 ملن تونناعا دەيىن قىسقارعان.
