قوستاناي سوتىنىڭ بۇرىنعى سۋدياسى اسقار دارباەۆ توعىز جىلعا باس بوستاندىعىنان ايىرىلدى. بۇل تۋرالى ناشا گازەتا باسىلىمى جاريالادى، دەپ حابارلايدى “ادىرنا” ۇلتتىق پورتالى.
اقپارات بويىنشا، ەكس-سۋديا جازاسىن ورتاشا قاۋىپسىزدىك مەكەمەسىندە وتەيتىن بولادى.
ايتا كەتەيىك، وبلىستىق سوتتىڭ اكىمشىلىك القاسىنىڭ توراعاسى اسقار دارباەۆقا كاسىپكەر ميحايل كورنەەۆتەن 19 ميلليون تەڭگە كولەمىندە پارا تالاپ ەتتى دەپ ايىپ تاعىلعان. سۋديا 2022 جىلدىڭ 17 تامىزىندا پارامەن ۇستالعان ەدى.
پارا بەرگەن دەلدال، كاسىپكەر ەلجاس قالقاەۆ 1 جىلعا باس بوستاندىعىنان ايىرىلدى، ول جازاسىن ەڭ تومەنگى قاۋىپسىزدىك مەكەمەسىندە وتەيتىن بولدى.
