نۇرسۇلتان نازارباەۆتىڭ نەمەرە ءىنىسى، ۇلتتىق قاۋىپسىزدىك كوميتەتى توراعاسىنىڭ بۇرىنعى ءبىرىنشى ورىنباسارى سامات ابىشكە قاتىستى قىلمىستىق ءىس بويىنشا تەرگەۋ اياقتالدى. بۇل تۋرالى باس پروكۋراتۋرا مالىمدەدى, دەپ حابارلايدى “ادىرنا” ۇلتتىق پورتالى.
مالىمەت بويىشا، ۇلتتىق قاۋىپسىزدىك كوميتەتى توراعاسىنىڭ بۇرىنعى ءبىرىنشى ورىنباسارى سامات ابىشكە قاتىستى ءىس سوتقا جىبەرىلدى.
سونداي-اق، باس پروكۋراتۋرا قىلمىستىق ىستە مەملەكەتتىك قۇپيالاردى قامتىعان مالىمەتتەر بار ەكەنىن ەسكەرە وتىرىپ، سوتقا دەيىنگى تەرگەپ-تەكسەرۋ دەرەكتەرى جاريا ەتىلمەيتىنىن اتاپ وتكەن.
ەسكە سالا كەتەيىك، بۇعان دەيىن باس پروكۋروردىڭ ورىنباسارى اسەت چينداليەۆ ۇلتتىق قاۋىپسىزدىك كوميتەتى توراعاسىنىڭ بۇرىنعى ءبىرىنشى ورىنباسارىنا قاتىستى تەرگەۋ امالدارى قالاي جۇرگىزىلىپ جاتقانىن ايتقان بولاتىن.
"سامات ابىشكە قاتىستى قىزمەتتىك وكىلەتتىگىن اسىرا پايدالانعانى ءۇشىن قىلمىستىق ءىس تەرگەلۋدە. ءىس تەرگەلۋدە. قانشالىقتى، قانداي ەپيزودتار ەكەنىن ايتا المايمىن", - دەپ جاۋاپ بەردى باس پروكۋروردىڭ ورىنباسارى.
