46 جاستاعى ايەل الماتىلىقتاردى “مۇگەدەكتىك بويىنشا جاردەماقى الۋعا كومەكتەسەمىن” دەپ الداعان، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
الماتى قالاسىنىڭ ناۋرىزباي اۋدانىندا ءومىر بويىنا مۇگەدەكتىك تۋرالى انىقتاما جاساپ بەرۋگە ۋادە بەرگەن ايەل ۇستالدى.
– 1975 جىلى تۋعان ازاماتشا تاجىريبەلى الاياق بولىپ تابىلادى. ول بۇرىن ءتورت رەت سوتتى بولعان. الاياق زارداپ شەككەندەرمەن ءتۇرلى مەديتسينالىق مەكەمەلەردە تانىسقان. ول سوڭعى رەت جابىرلەنۋشىمەن قالا اۋرۋحانالارىنىڭ بىرىندە ەمدەلىپ جاتقان كەزدە تانىسقان. ايەلدەر ءبىر پالاتادا جاتقان، سونىڭ سالدارىنان ول جابىرلەنۋشىنى ءومىر بويىنا مۇگەدەكتىك تۋرالى انىقتاما الۋدىڭ ناقتى مۇمكىندىگى بار ەكەندىگىنە سەندىرگەن. بۇل ارەكەت جابىرلەنۋشىگە 660 مىڭ تەڭگە شىعىن كەلتىرگەن. العاشىندا ول ءتىپتى الدانعانىن دا سەزبەگەن، الاياق ايەل حابارلاسۋدى توقتاتقان كەزدە عانا بىردەڭەنىڭ دۇرىس ەمەس ەكەنىن ءتۇسىنىپ، پوليتسياعا حابارلاسۋعا ءماجبۇر بولعان، – دەدى ناۋرىزباي اۋداندىق پوليتسيا باسقارماسىنىڭ باستىعى ديدار احانوۆ.
قىلمىس الگوريتمى وتە قاراپايىم. قاراعاندى وبلىسىنىڭ تۋماسى قاتتى قينالماي كوپ اقشا تاپقىسى كەلگەن. ونىڭ جوسپارى ىسكە اسىپ، قىلمىستىق كىرىسى ءۇش ميلليون تەڭگەدەن اسقان.
– كۇدىكتى قازىر قاماۋدا. سوتقا دەيىنگى تەرگەۋ قر قك-ءنىڭ 190-بابىنىڭ 3-بولىگى (الاياقتىق) بويىنشا جۇرگىزىلۋدە. قازىرگى ۋاقىتتا وسىعان ۇقساس توعىز ەپيزود دالەلدەندى. بىراق ءبىز بۇل سوڭعى ءتىزىم ەمەس دەپ ويلايمىز، سوندىقتان وسى ازاماتشانى بىلەتىن جانە ونىڭ ارەكەتتەرىنەن زارداپ شەككەندەردىڭ بارلىعىنا 254-44-62, +7 707 447 0750 تەلەفون نومىرلەرى ارقىلى حابارلاسۋدى سۇرايمىز، – دەپ قورىتىندىلادى ول.
«ادىرنا» ۇلتتىق پورتالى
