كەمەروۆودا وبلىستىڭ بۇرىنعى گۋبەرناتورى امان تولەەۆ جەرلەندى، دەپ حابارلايدى “ادىرنا” پورتالى.
قوشتاسۋ ءراسىمى №1 ورتالىق زيراتتا ءوتتى. تولەەۆ زنامەنسكي سوبورىندا جەرلەۋ راسىمىنەن كەيىن قالانىڭ ورتالىق زيراتىنا، 1990 جىلداردىڭ اياعىندا اپاتتان قايتىس بولعان كەنجە ۇلى اندرەيدىڭ جانىنا جەرلەندى.
قوشتاسۋ ءراسىمى كۋزباسس مۋزىكالىق تەاترىندا ءوتتى، دەپ جازدى رەسەيلىك باسىلىمدار. دەرەكتەرگە سۇيەنسەك، قوشتاسۋعا مىڭداعان ادام كەلىپ، تىلەك بىلدىرۋشىلەر عيماراتتىڭ كىرە بەرىسىندەگى ۇزىن-سونار كەزەككە تۇرعان.
امان تولەەۆ 20 قاراشادا 79 جاسىندا قايتىس بولدى. ول وبلىستى 1997-2018 جىلدار ارالىعىندا باسقارعان.
1991 جىلى ول رەسەي پرەزيدەنتتىگىنە ۇمىتكەر بولدى، ال كەيىنىرەك تمد ىستەرى ءمينيسترى بولعاننان كەيىن كەمەروۆو وبلىسىنىڭ باسشىسىنا سايلاۋعا قاتىسىپ، بىردەن 94% جەڭىپ الدى. سودان بەرى ول تۇراقتى تۇردە سايلاۋدا 90%-دان استام داۋىسقا يە بولدى.
تولەەۆ 2018 جىلدىڭ 1 ساۋىرىندە كەمەروۆو وبلىسىنداعى «زيمنيايا ۆيشنيا» ساۋدا ورتالىعىندا 64 ادامنىڭ ءومىرىن قيعان ورتتەن كەيىن وتستاۆكاعا كەتۋ تۋرالى ءوتىنىش بەرگەن. قۇربان بولعانداردىڭ كوبى بالالار. گۋبەرناتور قايعىلى وقيعا ورنىنا كەلۋدەن باس تارتىپ، ءورتتىڭ ناقتى سەبەبى ءورت قويۋ بولۋى مۇمكىن دەگەن بولجام جاسادى.
