28 قاڭتار كۇنى تۇركيادا بولعان شىركەۋدەگى اتىسقا قاتىسى بار دەگەن كۇدىكپەن 47 ادامدى ۇستاعان. ولاردىڭ اراسىندا رەسەي ازاماتى دا بار. بۇل تۋرالى تۇركيا ىشكى ىستەر مينيسترلىگىنىڭ باسشىسى ءالي ەرلىكايا مالىمدەدى، دەپ حابارلايدى “ادىرنا” ۇلتتىق پورتالى.
«شىركەۋگە قارۋلى شابۋىل جاساۋ تۋرالى ءىستى تەرگەۋ اياسىندا 30 مەكەنجاي بويىنشا وپەراتسيالار جۇرگىزىلدى، ناتيجەسىندە 47 ادام ۇستالدى. ونىڭ ىشىندە ءبىر رەسەي ازاماتى جانە ءبىر تاجىكستان ازاماتى بار. ولاردىڭ «يسلام مەملەكەتىنە» (قازاقستاندا تىيىم سالىنعان ۇيىم ) قاتىسى بولۋى مۇمكىن»، - دەدى ول.
ءمينيستردىڭ ايتۋىنشا، ۇستالعاندار قاۋىپسىزدىك باسقارماسىنا جەتكىزىلدى، ولاردان توتەنشە جاعدايعا قاتىستى جاۋاپ الىنادى.
«ىستانبۇل عاسىرلار بويى ءارتۇرلى كونفەسسيانىڭ وكىلدەرى ءۇشىن پانا بولدى، الداعى ۋاقىتتا دا سولاي بولىپ قالادى. ءبىز ەلىمىزدەگى بەيبىتشىلىك پەن تىنىشتىقتى بۇزعىسى كەلەتىندەرگە ەشقاشان جول بەرمەيمىز»، - دەپ اتاپ ءوتتى ءالي ەرلىكايا.
ەسكە سالايىق، جەكسەنبى كۇنى تاڭەرتەڭ ەكى قارۋلى ادام ىستانبۇلداعى حريستيان شىركەۋىندە وق جاۋدىرعان. وقيعا كەزىندە ءبىر ادام قازا تاپقان بولاتىن.
