Kemerovoda oblystyń burynǵy gýbernatory Aman Tóleev jerlendi, dep habarlaıdy “Adyrna” portaly.
Qoshtasý rásimi №1 ortalyq zıratta ótti. Tóleev Znamenskıı soborynda jerleý rásiminen keıin qalanyń Ortalyq zıratyna, 1990 jyldardyń aıaǵynda apattan qaıtys bolǵan kenje uly Andreıdiń janyna jerlendi.
Qoshtasý rásimi Kýzbass mýzykalyq teatrynda ótti, dep jazdy reseılik basylymdar. Derekterge súıensek, qoshtasýǵa myńdaǵan adam kelip, tilek bildirýshiler ǵımarattyń kire berisindegi uzyn-sonar kezekke turǵan.
Aman Tóleev 20 qarashada 79 jasynda qaıtys boldy. Ol oblysty 1997-2018 jyldar aralyǵynda basqarǵan.
1991 jyly ol Reseı prezıdenttigine úmitker boldy, al keıinirek TMD isteri mınıstri bolǵannan keıin Kemerovo oblysynyń basshysyna saılaýǵa qatysyp, birden 94% jeńip aldy. Sodan beri ol turaqty túrde saılaýda 90%-dan astam daýysqa ıe boldy.
Tóleev 2018 jyldyń 1 sáýirinde Kemerovo oblysyndaǵy «Zımnıaıa vıshnıa» saýda ortalyǵynda 64 adamnyń ómirin qıǵan órtten keıin otstavkaǵa ketý týraly ótinish bergen. Qurban bolǵandardyń kóbi balalar. Gýbernator qaıǵyly oqıǵa ornyna kelýden bas tartyp, órttiń naqty sebebi órt qoıý bolýy múmkin degen boljam jasady.
