قۇرمەتتى جۋرناليستەر مەن بلوگەرلەر، «ءادىل ءسوز» ءسوز بوستاندىعىن قورعاۋ حالىقارالىق قورى «شەشىم جۋرناليستيكاسىنىڭ زەرتحاناسى» جوباسىنىڭ ەكىنشى لەگىنە قاتىسۋعا وتىنىشتەردى قابىلداۋ ساناۋلى كۇننەن كەيىن – 19 قاراشادا اياقتالاتىنىن ەسكە سالادى.
«شەشىمدەردىڭ جۋرناليستيكا زەرتحاناسى» جوباسى قازاقستان رەسپۋبليكاسىنداعى ۇلىبريتانيا ەلشىلىگىنىڭ قولداۋىمەن جۇزەگە اسىرىلۋدا. جوباعا قاتىسۋ جۋرناليستەر، بلوگەرلەر مەن ينفليۋەنسەرلەر ءۇشىن قوعامداعى وزەكتى ماسەلەلەردى انىقتاپ قانا قويماي، سونىمەن قاتار ولاردىڭ ءتيىمدى شەشىمدەرىن تابۋعا باعىتتالعان جۋرناليستيكانىڭ جاڭا وزىق جانرىندا وزدەرىن سىناپ كورۋدىڭ بىرەگەي مۇمكىندىگى بولىپ تابىلادى. بۇل جوبا دا ءوز بەدەلىن نىعايتىپ، اۋديتورياسىن كەڭەيتىپ، ماتەريالدارىنىڭ سەنىمدىلىگىن ارتتىرعىسى كەلەتىن باق-قا دا ارنالعان.
"شەشىم جۋرناليستيكاسىنىڭ زەرتحاناسى" جوباعا قاتىسۋ ءۇشىن ىرىكتەلەتىن كەمىندە 50 جۋرناليست ءۇشىن "جايلى ايماق" قۇرادى. ولار تەحنيكالىق، قارجىلىق، قاجەت بولعان جاعدايدا زاڭگەرلىك جانە تالىمگەرلىك قولداۋ الادى. وڭىرلىك قازاق ءتىلدى جۋرناليستەرگە ولاردىڭ رەپورتاجدارىن ودان دا تەرەڭىرەك جانە كۇردەلى ەتۋگە كومەكتەسۋ ءۇشىن ەرەكشە نازار اۋدارىلاتىن بولادى.
"شەشىم جۋرناليستيكاسىنىڭ زەرتحاناسى" جوباسى مەملەكەتتىك قاراجاتتى پايدالانۋدىڭ اشىقتىعى، ەكونوميكا سالاسىنداعى جۋرناليستىك تەرگەۋلەر جانە كليماتتىڭ وزگەرۋى سياقتى ماڭىزدى تاقىرىپتاردى وبەكتيۆتى جاريالاۋدى قولداي وتىرىپ، قازاقستاننىڭ اقپاراتتىق قاۋىپسىزدىگىنە ۇلەس قوسادى. تاجىريبە كورسەتكەندەي، مۇنداي رەپورتاجدار ۇكىمەت پەن جەرگىلىكتى اتقارۋشى ورگانداردىڭ ءتيىستى سالالارداعى جۇمىسىن سوزبەن ەمەس، ءىس جۇزىندە جاقسارتۋعا يتەرمەلەيدى. سونداي-اق مۇنداي جۇمىستار وقىرماندار مەن كورەرمەندەردى كوبىرەك قىزىقتىرۋ ارقىلى، قازاقستاندىق باق-تى العا جىلجىتىپ، دامىتۋعا ىقپال ەتەدى.
جوباعا قاتىسۋشىلار تاقىرىپتى زەرتتەۋگە مۇمكىندىك الادى، سونىمەن قاتار ولارعا ماتەريالداردى دايىنداۋ جانە جاريالاۋدا قولداۋ كورسەتىلەدى. سونىمەن قاتار، وتەماقى، جول ءجۇرۋ اقىسى جانە اقىلى دەرەكتەر بازاسىنا قول جەتكىزۋ قاراستىرىلعان.
www.solvefuture.kz سايتىندا ءوتىنىش جىبەرىپ، ءبىزدىڭ كومانداعا قوسىلىڭىز!
قوسىمشا اقپارات الۋ ءۇشىن جوبانىڭ رەسمي سايتىنا كىرىڭىز، info@solvefuture.kz ەلەكتروندى پوشتاسىنا جازىڭىز نەمەسە +7 777 400 2210 تەلەفونىنا حابارلاسىڭىز.
شەشىم جۋرناليستيكاسىنىڭ زەرتحاناسى جوباسى – جۋرناليستيكانىڭ ءالى دە ءتورتىنشى بيلىك ەكەنىن دالەلدەۋگە مۇمكىندىك.
