تۇركيادا وقيتىن قازاق ستۋدەنتتەرىنە ۇلتىمىزدىڭ ۇلى تۇلعالارى اتىنداعى شاكىرتاقى تابىستالدى، دەپ حابارلايدى “ادىرنا” ۇلتتىق پورتادى.
اباي، ءاليحان بوكەيحانوۆ، دىنمۇحاممەد قوناەۆ سياقتى ءبىرتۋار تۇلعالاردىڭ اتىنداعى شاكىرتاقىلار تۇركيانىڭ ءتۇرلى ۋنيۆەرسيتەتتەرىندە تەحنيكالىق ماماندىقتا وقيتىن 5 ستۋدەنتكە بەرىلدى. بۇل وڭ شارانى ۇيىمداستىرىپ، شاكىرتتەرگە قامقورلىق جاساپ وتىرعان ىستامبۇلداعى «قازاق مادەنيەت جانە ساۋدا ورتالىعى».
ارنايى كوميسسيانىڭ شەشىمىمەن قارجىلاي قولداۋ تەك ۇزدىك وقيتىن ستۋدەنتتەرگە بەرىلەدى. ورتالىق جىل سايىن ستيپەنديا بەرىلەتىن ستۋدەنتتەر سانىن ارتتىرىپ وتىرماق. يگى شاراعا وراي جينالعان جاستار ءان مەن جىردان شاشۋ شاشىپ، بي بيلەپ، ونەرلەرىن ورتاعا سالدى.
رەسمي مالىمەتكە ساي، بۇگىنگى تاڭدا تۇركيادا 9000 -داي قازاقستاندىق ستۋدەنت ءبىلىم الىپ ءجۇر.
«مادەنيەت جانە ساۋدا ورتالىعىنى» ۇيىمداستىرعان ستيپەنديانى جەڭىپ الدىم. سولاردىڭ العاشقىسى بولعانىما وتە قۋانىشتىمىن. وسىنداي ءىس شارالار ۇيىمداستىرىلىپ، ستۋدەنتتەرگە بولاشاقتا دا ستيپەنديا تاعايىندالسا دەپ تىلەيمىن. ويتكەنى بۇل ستۋدەنتتەرگە ۇلكەن موتيۆاتسيا بەرەدى جانە وقۋعا دەگەن قۇلشىنىستارىن ارتتىرادى، دەدى ىستامبۇل ۋنيۆەرسيتەتىنىڭ دوكتورانتى جىبەك ناعىمەت.
ال قازاقستان مادەنيەت جانە ساۋدا ورتالىعى باسشىسىنىڭ ورىنباسارى ەرجان ءۋايىس جاقىندا ءدامحانا دا اشىلاتىنىن ايتتى.
ءبىزدىڭ ستۋدەنتتەردىڭ ىنتاسىن، ەلگە سۇيىسپەنشىلىگىن ارتتىرىپ، وتانعا قىزمەت ەتۋگە تاربيەلەيتىن ۇلكەن ءبىر قۇرال. جاقىندا ءدامحانامىز اشىلادى. سول جەردەن اي سايىن 30 بالاعا تەگىن تاماق بەرۋ شەشىمى دە قابىلداندى. بۇل دا ءبىر قۇپتارلىق نارسە، دەدى ەرجان ءۋايىس.
