يران بيلىگى ۋنيۆەرسيتەتتەردە ءوتىپ جاتقان نارازىلىق اكتسيالارى بارىسىندا ستۋدەنتتەر ۇسىنعان تالاپتارعا جاۋاپ بەرۋگە دايىن. بۇل تۋرالى ەل پرەزيدەنتى ماسۋد پەزەشكيان مالىمدەدى، دەپ حابارلايدى «ادىرنا» ءتىلشىسى تاسس-قا سىلتەمە جاساپ.
«نارازىلىق — قوعامدىق ءومىردىڭ سەرپىندىلىگىنىڭ بەلگىسى. ءبىز ۋنيۆەرسيتەتتەرگە بارىپ، ستۋدەنتتەرمەن تىكەلەي سويلەسۋگە دايىنبىز»، — دەدى پەزەشكيان ۇكىمەت وتىرىسىندا.
ول ۇكىمەت مۇشەلەرىنىڭ دە ۋنيۆەرسيتەتتەرگە بارۋى كەرەك ەكەنىن اتاپ ءوتتى.
ء«بىزدىڭ مىندەتىمىز — نارازىلىق بىلدىرۋشىلەردى تىڭداۋ جانە ماسەلەلەردى شەشۋ ءۇشىن شارالار قابىلداۋ»، — دەپ قوستى پرەزيدەنت.
ال يراننىڭ سوت جۇيەسىنىڭ باسشىسى گولامحوسەين موحسەني ەدجەي ۋنيۆەرسيتەتتەردە نارازىلىق ۇيىمداستىرىپ جۇرگەن ستۋدەنتتەرگە قاتىستى شارالار قابىلداناتىنىن مالىمدەدى.
«ەگەر وزدەرىڭىز كىنالى ستۋدەنتتەردى اتاپ كورسەتپەسەڭىزدەر، ءبىز ءوزىمىز ءتيىستى شارا قابىلدايمىز»،- دەدى ول.
بۇعان دەيىن يراننىڭ بىرقاتار ۋنيۆەرسيتەتتەرىندە بيلىك ساياساتىنا قارسى، سونداي-اق مەملەكەتتىك قۇرىلىمدى قولداۋ ماقساتىندا ستۋدەنتتەردىڭ نارازىلىق اكتسيالارى وتكەن بولاتىن.
