تۇركياداعى جول اپاتىنا قاتىستى قر سىرتقى ىستەر مينيسترلىگىنىڭ رەسمي وكىلى جەرلەستەردىڭ جايى تۋرالى ايتتى، دەپ حابارلايدى “ادىرنا” BAQ.KZ-كە سىلتەمە جاساپ.
قر سىرتقى ىستەر مينيسترلىگىنىڭ رەسمي وكىلى ايبەك سمادياروۆ:
«وكىنىشكە قاراي، ەكى ازاماتىمىز قازا تاپتى. قازىرگى تاڭدا ءتورت ازامات اۋرۋحانادا ەم الىپ جاتىر. وتكەن اپتادا بۇرىن قايتىس بولعان وتانداستىرىمىزدىڭ دەنەلەرى قازاقستانعا جەتكىزىلدى. ايتا كەتەتىن جايت، بارلىق شىعىندار ساقتاندىرۋ كومپانياسىنىڭ ەسەبىنەن ءجۇرىپ جاتىر. تۋريستەر دەمالۋعا بارعان كەزدە وزدەرىنىڭ تۋريستىك پوليستەرىن مۇقيات قاراپ، وسىلاي جاساعان بولاتىن. سوندىقتان ەشقانداي قيىنشىلىقتار تۋىنداعان جوق. قالعان ءتورت ادامنىڭ جانىندا تۋىستارى بار، ءبىرىنىڭ اپكەسى، ءبىرىنىڭ اعاسى كەلدى. جاقىن ارادا تەز ساۋىعىپ كەتەدى دەپ ويلايمىز، - دەدى رەسمي وكىل سىرتقى ىستەر مينيسترلىگىندە باق وكىلدەرىنە ارنالعان بريفينگتە.
ۇقساس جاڭالىقتار
