Túrkııada oqıtyn qazaq stýdentterine ultymyzdyń uly tulǵalary atyndaǵy shákirtaqy tabystaldy, dep habarlaıdy “Adyrna” ulttyq portady.
Abaı, Álıhan Bókeıhanov, Dinmuhammed Qonaev sııaqty birtýar tulǵalardyń atyndaǵy shákirtaqylar Túrkııanyń túrli ýnıversıtetterinde tehnıkalyq mamandyqta oqıtyn 5 stýdentke berildi. Bul oń sharany uıymdastyryp, shákirtterge qamqorlyq jasap otyrǵan Ystambuldaǵy «Qazaq mádenıet jáne saýda ortalyǵy».
Arnaıy komıssııanyń sheshimimen qarjylaı qoldaý tek úzdik oqıtyn stýdentterge beriledi. Ortalyq jyl saıyn stıpendııa beriletin stýdentter sanyn arttyryp otyrmaq. Igi sharaǵa oraı jınalǵan jastar án men jyrdan shashý shashyp, bı bılep, ónerlerin ortaǵa saldy.
Resmı málimetke saı, búgingi tańda Túrkııada 9000 -daı qazaqstandyq stýdent bilim alyp júr.
«Mádenıet jáne saýda ortalyǵyny» uıymdastyrǵan stıpendııany jeńip aldym. Solardyń alǵashqysy bolǵanyma óte qýanyshtymyn. Osyndaı is sharalar uıymdastyrylyp, stýdentterge bolashaqta da stıpendııa taǵaıyndalsa dep tileımin. Óıtkeni bul stýdentterge úlken motıvaııa beredi jáne oqýǵa degen qulshynystaryn arttyrady, dedi Ystambul ýnıversıtetiniń doktoranty Jibek Naǵymet.
Al Qazaqstan mádenıet jáne saýda ortalyǵy basshysynyń orynbasary Erjan Ýáıis jaqynda dámhana da ashylatynyn aıtty.
Bizdiń stýdentterdiń yntasyn, elge súıispenshiligin arttyryp, Otanǵa qyzmet etýge tárbıeleıtin úlken bir qural. Jaqynda dámhanamyz ashylady. Sol jerden aı saıyn 30 balaǵa tegin tamaq berý sheshimi de qabyldandy. Bul da bir quptarlyq nárse, dedi Erjan Ýáıis.
