Türkiiada oqityn qazaq studentterıne şäkırtaqy tabystaldy

Türkiiada oqityn qazaq studentterıne ūltymyzdyŋ ūly tūlǧalary atyndaǧy şäkırtaqy tabystaldy, dep habarlaidy “Adyrna” ūlttyq portady. Abai, Älihan Bökeihanov, Dınmūhammed Qonaev siiaqty bırtuar tūlǧalardyŋ atyndaǧy şäkırtaqylar Türkiianyŋ türlı universitetterınde tehnikalyq mamandyqta oqityn 5 studentke berıldı. Būl oŋ şarany ūiymdastyryp, şäkırtterge qamqorlyq jasap otyrǧan Ystambūldaǧy «Qazaq mädeniet jäne sauda ortalyǧy». Arnaiy komissiianyŋ şeşımımen qarjylai qoldau tek üzdık oqityn studentterge berıledı. Ortalyq jyl saiyn stipendiia berıletın studentter sanyn arttyryp otyrmaq. İgı şaraǧa orai jinalǧan jastar än men jyrdan şaşu şaşyp, bi bilep, önerlerın ortaǧa saldy. Resmi mälımetke sai, bügıngı taŋda Türkiiada 9000 -dai qazaqstandyq student bılım alyp jür.

 «Mädeniet jäne sauda ortalyǧyny» ūiymdastyrǧan stipendiiany jeŋıp aldym. Solardyŋ alǧaşqysy bolǧanyma öte quanyştymyn. Osyndai ıs şaralar ūiymdastyrylyp, studentterge bolaşaqta da stipendiia taǧaiyndalsa dep tıleimın. Öitkenı būl studentterge ülken motivasiia beredı jäne oquǧa degen qūlşynystaryn arttyrady, dedı Ystambūl universitetınıŋ doktoranty Jıbek Naǧymet.

Al Qazaqstan mädeniet jäne sauda ortalyǧy basşysynyŋ orynbasary Erjan Uäiıs jaqynda dämhana da aşylatynyn aitty.

Bızdıŋ studentterdıŋ yntasyn, elge süiıspenşılıgın arttyryp, Otanǧa qyzmet etuge tärbieleitın ülken bır qūral. Jaqynda dämhanamyz aşylady. Sol jerden ai saiyn 30 balaǧa tegın tamaq beru şeşımı de qabyldandy. Būl da bır qūptarlyq närse, dedı Erjan Uäiıs.