«اllur» زاۋىتى ءوز جۇمىسشىلارىنا ارناپ جاتاقحانا سالىپ جاتىر

1056
Adyrna.kz Telegram
فوتو: ۆيدەودان سكرينشوت
فوتو: ۆيدەودان سكرينشوت

قوستانايداعى ماشينا جاساۋ زاۋىتى ءوز جۇمىسشىلارىنا ارناپ جاتاقحانا سالىپ جاتىر. سونىمەن قاتار مۇندا ءار قىزمەتكەردىڭ بىلىكتىلىگىن كوتەرۋىنە جاعداي جاسالعان، دەپ حابارلايدى «ادىرنا» ۇلتتىق پورتالى قازاقستان ۇلتتىق ارناسىنا سىلتەمە جاساپ.

بۇگىندە قوستانايداعى ماشينا جاساۋ زاۋىتىنداعى جۇمىسشىلار سانى 3 مىڭنان اسقان. سونىڭ 1700-گە جۋىعى جاس ماماندار.
دارحان ساعىمباي:
ءبىز مۇندا جۇمىس ىستەپ، قوسىمشا ءدۋالدى تۇردە قاشىقتان وقىپ جاتىرمىز. ديپلوم العاسىن وسىندا جۇمىس ىستەپ قالۋعا جاعداي جاسالعان.
قىزمەتكەرلەردىڭ بىلىكتىلىگىن كوتەرىپ قوسىمشا ءبىلىم الۋىنا ارنايى باعدارلاما دايىندالعان. سونىڭ نەگىزىندە ولار تەك ەلىمىزدە عانا ەمەس، شەتەلدەردە دە وقۋىنا بولادى. ونىدىرىسكە بولاشاق كادرلار دايىنداۋ ءۇشىن جەرگىلىكتى وقۋ ورىندارىمەن ارىپتەستىك قاتىناس جولعا قويىلعان.
 
ءسانيا يمەنتاەۆا، جوعارى ينجەنەرلىك مەكتەبىنىڭ باسشىسى:
قوستاناي مەكتەبىندە الليۋر سپەيس كابينەتىن اشتىق. ماقساتى - بىلىكتى ينجەنەرلىك كادرلاردى مەكتەپ اياسىنان باستاپ دايىنداۋ. اۆتوموبيل كوللەدجىندە كاسىبي بىلىكتىلىك ورتالىعىن اشامىز.
جۇمىسشىلاردى تاسىمالداۋ، تۇسكى اس تەگىن. سپورتتى دامىتۋعا دا باسا ءمان بەرىلەدى. ىنتالاندىرۋ ماقساتىندا ەڭبەك ءوتىلى ارتقان سايىن قىزمەتكەردىڭ جالاقىسى دا كوبەيەدى.
الىبەك قۇسايىنوۆ، «اllur» كاسىپورنىنىڭ اكىمشىلىك ماسەلەلەر جونىندەگى ديرەكتورى:

مەديتسينالىق كلينيكالارعا قارالۋىنا ءبىزدىڭ جۇمىسكەرلەرگە جەڭىلدىكتەر قاراستىرىلعان. بالالار ورتالىعىنا بالالارىن اپارسا دا سولاي.

بيىل زاۋىت جانىنان قىزمەتكەرلەرگە ارنالعان توعىز قاباتتى جاتاقحانانىڭ قۇرىلىسى باستالدى. عيمارات كەلەر جىلى پايدالانۋعا بەرىلەدى. سونىمەن قاتار، الداعى ۋاقىتتا بالاباقشا نىسانىن سالۋ جوسپاردا تۇر.
داۋرەنبەك ابدىبەك

 

پىكىرلەر