قوستانايدا جول ورتاسىندا تاكسيدىڭ ەسىگى اشىلىپ كەتىپ، ەگدا جاستاعى ايەل قۇلاپ ءتۇستى. ونى كەلەسى كولىك ۇستىنەن باسىپ وتكەن. بۇل تۋرالى "ناشا گازەتا" باسىلىمى جازدى، دەپ حابارلايدى "ادىرنا".
اقپاراتقا سايكەس، وقيعا التىنسارين مەن گوگول كوشەلەرىنىڭ قيىلىسىندا بولعان. العاشىندا وقيعا ورنىنان تاراعان فوتولارعا قاراپ ايەل كوز جۇمدى دەگەن بولجام بولعان، باعىنا وراي ول ءتىرى قالدى. الايدا اۋىر جاراقاتپەن اۋرۋحاناعا ءتۇستى.
دارىگەرلەردىڭ ايتۋىنشا، ناۋقاس ەسىن بىلەدى، جاعدايى ورتاشا اۋىر دەپ باعالانىپ وتىر.
پوليتسيا اتالعان دەرەك بويىنشا اكىمشىلىك ءىس قوزعاپ، ماتەريالداردى سوتقا جولدادى. تاكسي جۇرگىزۋشىسى جولاۋشىلاردى تاسىمالداۋ ەرەجەلەرىن بۇزعانى ءۇشىن جاۋاپكەرشىلىككە تارتىلدى. سونىمەن قاتار كولىكپەن باسۋ فاكتىسىنە بايلانىستى قىلمىستىق ءىس قوزعالىپ، ءتيىستى ساراپتامالار تاعايىندالدى.
