Qostanaıdaǵy mashına jasaý zaýyty óz jumysshylaryna arnap jataqhana salyp jatyr. Sonymen qatar munda ár qyzmetkerdiń biliktiligin kóterýine jaǵdaı jasalǵan, dep habarlaıdy «Adyrna» ulttyq portaly Qazaqstan ulttyq arnasyna silteme jasap.
Búginde Qostanaıdaǵy mashına jasaý zaýytyndaǵy jumysshylar sany 3 myńnan asqan. Sonyń 1700-ge jýyǵy jas mamandar.
Darhan Saǵymbaı:
Biz munda jumys istep, qosymsha dýaldi túrde qashyqtan oqyp jatyrmyz. Dıplom alǵasyn osynda jumys istep qalýǵa jaǵdaı jasalǵan.
Qyzmetkerlerdiń biliktiligin kóterip qosymsha bilim alýyna arnaıy baǵdarlama daıyndalǵan. Sonyń negizinde olar tek elimizde ǵana emes, shetelderde de oqýyna bolady. Ónidiriske bolashaq kadrlar daıyndaý úshin jergilikti oqý oryndarymen áriptestik qatynas jolǵa qoıylǵan.
Sánııa Imentaeva, Joǵary ınjenerlik mektebiniń basshysy:
Qostanaı mektebinde Allıýr speıs kabınetin ashtyq. Maqsaty - bilikti ınjenerlik kadrlardy mektep aıasynan bastap daıyndaý. Avtomobıl kolledjinde kásibı biliktilik ortalyǵyn ashamyz.
Jumysshylardy tasymaldaý, túski as tegin. Sportty damytýǵa da basa mán beriledi. Yntalandyrý maqsatynda eńbek ótili artqan saıyn qyzmetkerdiń jalaqysy da kóbeıedi.
Álibek Qusaıynov, «Allur» kásipornynyń ákimshilik máseleler jónindegi dırektory:
Medıınalyq klınıkalarǵa qaralýyna bizdiń jumyskerlerge jeńildikter qarastyrylǵan. Balalar ortalyǵyna balalaryn aparsa da solaı.
Bıyl zaýyt janynan qyzmetkerlerge arnalǵan toǵyz qabatty jataqhananyń qurylysy bastaldy. Ǵımarat keler jyly paıdalanýǵa beriledi. Sonymen qatar, aldaǵy ýaqytta balabaqsha nysanyn salý josparda tur.
Dáýrenbek Ábdibek
