بۇگىندە قازاق مادەنيەتى مەن ادەبيەتىنە ءھام سپورتىنا شەتتەن كەلگەن قانداستاردىڭ قوسقان ۇلەسى زور. بۇدان تىس اۋىل-شارۋاشىلىعى مەن مال شارۋاشىلىعى، ءتىپتى ءار ءتۇرلى قارا جۇمىستادىڭ دا ءبىرازىنا ارالاسىپ، وزىندىك ەڭبەگىمەن ۇلەس قوسىپ كەلەدى. ءتىپتى، حالىق سانىن ارتتىرۋدا ورىنى ەرەك ەكەنى ايتپاسا دا تۇسىنكتى...
الايدا، شەكارادان زاڭدى ءوتىپ، قۇجاتىمەن كەلىپ، ءتۇرلى سەبەپتەرمەن قۇجاتسىز قالعان قانداستارىمىز قانشاما؟.. بىلتىر رەسپۋبليكا كولەمىندە 50 مىڭعا جۋىق قانداس ازاماتتىق الا الماي ءجۇردى دەگەن اقپارات تاراعان بولاتىن. ىزىنشە زاڭگەر ابزال قۇسپاننىڭ ارالاسۋىمەن اتالعان قۇجاتتار ء(تىزىمى جاسالىپ) ءتيىستى مينيسترلىككە جەتتى. اراعا ەكى-ءۇش اي تالقىلاۋدان كەيىن ەلباسى جارلىعىمەن ءبىر جىلدىق جەڭىلدەتىلگەن ءتارتىپ جاريالانىپ، بارلىق قانداستارعا قۇجاتتارىن راسىمدەپ الۋعا مۇمكىندىك بەرەتىن بۇيىرىق شىعاردى. الايدا، مۇنىمەن ەلىمىزدەگى شەتتەن كەلگەن قانداستاردىڭ قۇجاتتىق «جىرى» بىتەتىن ءتۇرى جوق...
مىسالى، قىتاي پاسپورتىنىڭ ۋاقىتى ءوتىپ، ەش قۇجاتسىز قالعان قانداستارىمىزعا قىتاي ەلشىلىگى قر ءسىم مەن قوعامدىق ۇيىمداردىڭ ارالاسۋىمەن جاڭا قۇجات جاساپ بەردى. بىراق، شەكارادان ءوتتى دەگەن نە ءبىر ءمورى نە ۆيزاسى جوق اتالعان پاسپورتتىڭ بارىنان نە قايىر دەرسىز، قر ازاماتتىعىن الۋعا جاراماسا؟..
ياعني، قر ازاماتتىعىنا قۇجات تاپسىرۋ ءۇشىن پاسپورتتىڭ بەتىندە ۆيزا، شەكارادان وتكەن كۇنى، ءمورى بارلىعى بولۋى كەرەك ەكەن. ەندى مۇنى جەرگىلىكتى كوشى-قون مەكەمەلەرى قابىلداۋعا ەش مۇمكىندىك جوق. زاڭ بويىنشا شەكتەۋ قويىلعان.
شەشۋدىڭ ەكى جولى عانا بار ;
1-قىتايعا بارىپ بارلىق تالاپتاردى ورىنداپ قايتۋ. (ول جاقتان قايتا كەلۋ مۇمكىن ەمەس، سوندىقتان جەرگىلىكتى پوليتسيا قىزمەتكەرلەرىمەن «ۇشتاسىپ» قۇجاتسىز بولسا دا، قازاقستاندا جۇرە تۇرۋ)
2-جەڭ ۇشىنان جالعاسىپ، قر ازاماتتىعىن الۋ. وعان قۇجاتسىز، جۇمىسسىز 10 جىلدان استام كۇنەلتىپ كەلگەن كەيبىر قانداستاردىڭ قالتاسى كوتەرە بەرمەيدى...
وسى جانە وزگە دە تۇيتكىلدى ماسەلەلەردى «الماتى جاستارى» ورتالىعىندا تالقىلاپ، قر پرەزيدەنتىنە اشىق حات جولداۋ ارقىلى، ماسەلەنىڭ وڭ شەشىم تابۋىن سۇرايتىن بولامىز. وندا 30- دان استام قانداستار كەلىپ، ناقتى جاعدايلارىمەن بولىسەتىن بولادى. قازىرگە ءبىزدىڭ ەسەبىمىز بويىنشا الماتى وبلىسىندا 5000-عا جۋىق قانداس قۇجات الۋعا مۇمكىندىگى بولماي، سابىلىپ ءجۇر. بەيرەسىمي اقپاراتتارعا سۇيەنسەك، كەيبىرى جەرگىلىكتى پولتسيا وكىلدەرىنەن تىعىلىپ، قاشىپ جۇرگەنگە ۇقسايدى.
ءوز ەلى، ءوز جەرىندە «قاشقىن» بولىپ جۇرگەن قانداستارعا كوپ بولىپ قولداۋ كورسەتەرسىزدەر دەگەن ويدامىز!
جيىن ورنى: الماتى ق. گوگول-بايتۇرسىنۇلى قيىلىسىندا
ۋاقىتى: 29.05.2019ج
باستالۋى: ساع 15:00
بايلانىس جاساۋشى: قۇرمەتوللا
87052229300
