"Qashqyn" qandastar qaıdasyzdar?

1738
Adyrna.kz Telegram

Búginde qazaq mádenıeti men ádebıetine hám sportyna shetten kelgen qandastardyń qosqan úlesi zor. Budan tys aýyl-sharýashylyǵy men mal sharýashylyǵy, tipti ár túrli qara jumystadyń da birazyna aralasyp, ózindik eńbegimen úles qosyp keledi. Tipti, halyq sanyn arttyrýda oryny erek ekeni aıtpasa da túsinkti...

Alaıda, shekaradan zańdy ótip, qujatymen kelip, túrli sebeptermen qujatsyz qalǵan qandastarymyz qanshama?.. Byltyr  respýblıka kóleminde  50 myńǵa jýyq qandas azamattyq ala almaı júrdi degen aqparat taraǵan bolatyn. Izinshe zańger Abzal Quspannyń aralasýymen atalǵan qujattar (tizimi jasalyp) tıisti mınıstrlikke jetti. Araǵa eki-úsh aı talqylaýdan keıin Elbasy jarlyǵymen bir jyldyq jeńildetilgen tártip jarııalanyp, barlyq qandastarǵa qujattaryn rásimdep alýǵa múmkindik beretin buıyryq shyǵardy. Alaıda, munymen elimizdegi shetten kelgen qandastardyń qujattyq «jyry» bitetin túri joq...

Mysaly, qytaı pasportynyń ýaqyty ótip, esh qujatsyz qalǵan qandastarymyzǵa Qytaı elshiligi QR SIM men  qoǵamdyq uıymdardyń aralasýymen jańa qujat jasap berdi. Biraq, shekaradan ótti degen ne bir móri ne vızasy joq atalǵan pasporttyń barynan ne qaıyr dersiz, QR azamattyǵyn alýǵa jaramasa?..

Iaǵnı, QR azamattyǵyna qujat tapsyrý úshin pasporttyń betinde vıza, shekaradan ótken kúni, móri  barlyǵy bolýy kerek eken. Endi muny jergilikti kóshi-qon mekemeleri qabyldaýǵa esh múmkindik joq. Zań boıynsha shekteý qoıylǵan.

Sheshýdiń eki joly ǵana bar ;

1-Qytaıǵa baryp barlyq talaptardy oryndap qaıtý. (Ol jaqtan qaıta kelý múmkin emes, sondyqtan jergilikti polıııa qyzmetkerlerimen «ushtasyp» qujatsyz bolsa da, Qazaqstanda júre turý)

2-Jeń ushynan jalǵasyp, QR azamattyǵyn alý. Oǵan qujatsyz, jumyssyz 10 jyldan astam kúneltip kelgen keıbir qandastardyń qaltasy kótere bermeıdi...

Osy jáne ózge de túıtkildi máselelerdi «Almaty jastary» ortalyǵynda talqylap, QR prezıdentine ashyq hat joldaý arqyly, máseleniń oń sheshim tabýyn suraıtyn bolamyz. Onda 30- dan astam qandastar kelip, naqty jaǵdaılarymen bólisetin bolady. Qazirge bizdiń esebimiz boıynsha Almaty oblysynda 5000-ǵa jýyq qandas qujat alýǵa múmkindigi bolmaı, sabylyp júr. Beıresimı aqparattarǵa súıensek, keıbiri jergilikti polııa ókilderinen tyǵylyp, qashyp júrgenge uqsaıdy.

 

Óz eli, óz jerinde «qashqyn» bolyp júrgen qandastarǵa kóp bolyp qoldaý kórsetersizder degen oıdamyz!

Jıyn orny: Almaty q. Gogol-Baıtursynuly qıylysynda

Ýaqyty: 29.05.2019j

Bastalýy: saǵ 15:00

Baılanys jasaýshy: Qurmetolla
87052229300

Pikirler