بۇگىن «AMANAT» پارتياسىنىڭ ورتالىق اپپاراتىندا رەسپۋبليكا كۇنىنە وراي سالتاناتتى جيىن ءوتتى.
ءىس-شارانى اشقان ءماجىلىس سپيكەرى، «AMANAT» پارتياسىنىڭ توراعاسى ەرلان قوشانوۆ قاتىسۋشىلاردى ۇلتتىق مەرەكەمەن قۇتتىقتادى.
«ۇلىتاۋدا وتكەن قۇرىلتايدا مەملەكەت باسشىسى وسى اتاۋلى مەرەكەنى قايتا جاڭعىرتتى. تاريحي اقيقات قالپىنا كەلدى. ءدال وسى كۇنى تاۋەلسىز قازاقستاننىڭ نەگىزىن قالاعان مەملەكەتتىك ەگەمەندىك تۋرالى دەكلاراتسيا قابىلداندى. مىنە، بۇگىنگى تاڭدا رەسپۋبليكا كۇنى ۇلتىمىزدىڭ ىنتىماعىن، حالقىمىزدىڭ بەرەكە-بىرلىگىن پاش ەتەتىن يگى داستۇرگە اينالىپ وتىر»، - دەدى پارتيا توراعاسى.
ەرلان قوشانوۆ رەسپۋبليكا كۇنى قارساڭىندا ءتۇرلى سالادا جەتىستىكتەرگە قول جەتكىزىپ، ەڭبەگىن ەل مويىنداعان ازاماتتاردى ماراپاتتاۋ داستۇرگە اينالعانىن اتاپ ءوتتى. بيىل پارتيا مەملەكەتتىك جانە پارتيالىق ناگرادالارمەن ماراپاتتاۋعا ەل يگىلىگى ءۇشىن ەڭبەك ەتكەن جانە مەملەكەت باسشىسىنىڭ ادىلەتتى قازاقستان قۇرۋ باعىتىن جۇزەگە اسىرۋعا اتسالىسىپ جۇرگەن پەداگوگتاردى، دارىگەرلەردى، كەنشىلەردى، مۇنايشىلاردى، شارۋالاردى، جۇمىسشىلاردى جانە باسقا دا كاسىپ وكىلدەرىن ۇسىندى.
پرەزيدەنت جارلىعىنا سايكەس «پاراسات» وردەنىمەن №5 الماتى قالالىق ەمحاناسىنىڭ باس دارىگەرى بولات سادىقوۆ ماراپاتتالدى.
«قۇرمەت» وردەنى «ەۋرازيالىق بانك» اق قوستاناي وبلىستىق فيليالىنىڭ ديرەكتورى قىرمىزى جانبىرشيناعا, جازۋشى الماس احمەتبەكۇلىنا, «اتىراۋ مۇناي وڭدەۋ زاۋىتى» جشس باستاۋىش پارتيا ۇيىمىنىڭ توراعاسى باقىت وتەبالىعا جانە ەلورداداعى مۋزىكالىق جاس كورەرمەندەر تەاترىنىڭ ديرەكتورى اسحات ماەميروۆكە تاپسىرىلدى.
«ەرەن ەڭبەگى ءۇشىن» مەدالىمەن پارابي بويىنشا ۇلتتىق قۇرامانىڭ مۇشەسى سەۆدا اليەۆا, «ەڭبەك ادامى» پارتيالىق جوباسىنىڭ قاتىسۋشىسى نۇرلىبەك بايمەنوۆ, تەلەجۇرگىزۋشى ايكەرىم ەسەناليەۆا, د.كاربىشەۆ اتىنداعى ورتا مەكتەبىنىڭ تاريح ءپانى مۇعالىمى زاۋرە جاباەۆا, پارتيانىڭ تسەلينوگراد اۋداندىق فيليالىنىڭ اتقارۋشى حاتشىسى ازامات قاناپيانوۆ, «قازفوسفات» زاۋىتىنىڭ ينجەنەر-مەحانيگى تىلەكتەس قارعاباەۆ, ماڭعىستاۋ وبلىستىق كوپبەيىندى بالالار اۋرۋحاناسىنىڭ نەيروحيرۋرگ-دارىگەرى ەربول كەنجەۆالوۆ, «رەمستروي» جشس ديرەكتورى نيكولاي راسپوپوۆ جانە باسقالار ماراپاتتالدى.
«شاپاعات» مەدالى «Kex Group» پروداكشن-ستۋدياسىنىڭ جەتەكشىسى كاميل بايراموۆقا جانە «مەيىرىم» مۇگەدەكتەر قوعامى» قب توراعاسى ماريامحان تولەگەنباەۆاعا بەرىلدى.
قازاقستان رەسپۋبليكاسىنىڭ قۇرمەت گراموتاسى «سەمەي ورمانى» ورمان شارۋاشىلىعىنىڭ ءورت ءسوندىرۋشىسى دميتري پوليانسكيگە, ق.ساتپاەۆ اتىنداعى ەكىباستۇز ينجەنەرلىك-تەحنيكالىق ينستيتۋتىنىڭ رەكتورى داليدا سيۆاراكشاعا جانە باسقالارعا تاپسىرىلدى.
«قوعامدىق كەلىسىم» رمم ديرەكتورى ەلينا ماساگۋتوۆا, Ualikhanov University ءبىرىنشى پرورەكتورى عالىم بايتوق جانە باسقالار «بەلسەندى قىزمەتى ءۇشىن» پارتيالىق ناگراداسىمەن ماراپاتتالدى.
