10 قازاندا رەسەي اسكەرىنىڭ ۋكرايناعا جاساعان شابۋىلىنان كەمى 20 ادام قازا تاپتى، ونىڭ بىرنەشەۋى – بالا، دەپ حابارلايدى "ادىرنا" ءتىلشىسى.
10 قازاندا رەسەي اسكەرى ۋكراينانىڭ زاپوروجە قالاسىنا دا باسقارىلاتىن بومبالارمەن سوققى جاسادى. سوڭعى مالىمەت بويىنشا، كەم دەگەندە 20 ادام قازا تاۋىپ، 18 ادام جارالانعان. قازا تاپقانداردىڭ ۇشەۋى مەن جارالانعانداردىڭ ۇشەۋى – بالالار. رەسەي تاراپى شابۋىلعا قاتىستى تۇسىنىكتەمە بەرگەن جوق.
وبلىستىق قورعانىس كەڭەسىنىڭ باسشىسى يۆان فەدوروۆتىڭ حابارلاۋىنشا، شابۋىل جەرگىلىكتى ۋاقىت بويىنشا تاڭعى ساعات بەستەر شاماسىندا بولعان. قۇتقارۋشىلار كۇنى بويى ءۇيىندى استىندا قالعان ادامداردى ىزدەستىرگەن. جەرگىلىكتى ۋاقىت بويىنشا ساعات 14:00 شاماسىندا ءۇيىندى استىنان ءبىر ايەل شىعارىلعان.
ودان بولەك، وبولون اۋدانىنداعى دەمالىس ايماعىنا سوققى جاساپ، جەتى ادام جارالاندى. DW دەرەگىنشە، ولاردىڭ ۇشەۋىنىڭ جاعدايى اۋىر.
كيەۆ قالاسىنىڭ مەرى ۆيتالي كليچكونىڭ مالىمەتىنشە، سوققى مەيرامحانا عيماراتىنا تيگەن. وقيعا ورنىندا ءورت شىعىپ، قۇتقارۋشىلار ونى سوندىرگەن.
ۋكراينا پرەزيدەنتى ۆلاديمير زەلەنسكي اۋە شابۋىلىنا قاتىستى پىكىر ءبىلدىرىپ، رەسەيدىڭ تۇرعىن ۇيلەرگە سوققى جاساعانىن سىنعا الدى.
ەسكە سالايىق، وسى وقيعامەن تۇسپا-تۇس اقش پرەزيدەنتى دونالد ترامپ رەسەي باسشىسى ۆلاديمير پۋتينمەن تەلەفون ارقىلى سويلەسكەننەن كەيىن رەسەي ديزەل وتىنىن جەتكىزۋگە قاتىستى سانكتسيالاردى الىپ تاستايتىنىن ايتقان. ترامپتىڭ ايتۋىنشا، تاراپتار ديزەل وتىنىن اقش-قا جانە باسقا ەلدەرگە جەتكىزۋ جونىندە كەلىسكەن.
ال ماياميدە ۋكراينا، ەۋروپا جانە اقش دەلەگاتسيالارىنىڭ كەلىسسوزدەرى وتكەن. ەكى كۇنگە جوسپارلانعان كەزدەسۋلەر مەرزىمىنەن بۇرىن اياقتالعان ەدى.
ەكى كۇن بۇرىن ۋكراينانىڭ كراماتورسك قالاسىندا رەيستىك ەكى اۆتوبۋسقا جاسالعان سوققىدان كەمىندە 30 ادام قازا تاۋىپ، 18 ادام جاراقات العانىن حابارلاعان ەدىك.
