رەسەي اسكەرلەرى كيەۆ وبلىسىنىڭ يرپەن قالاسىنىڭ تۇرعىنداردى اياۋسىز قىردى جانە تانكىلەرمەن قازا تاپقان ۋكرايندىقتاردىڭ دەنەسىنىڭ ۇستىنەن ەزىپ وتكەن. بۇل تۋرالى بريفينگ بارىسىندا يرپەن قالاسىنىڭ مەرى الەكساندر ماركۋشين ايتتى، دەپ حابارلايدى “ادىرنا” ۇلتتىق پورتالى.
ماركۋشيننىڭ ايتۋىنشا، امان قالعان قالا تۇرعىندارى جاۋ قىلمىسىنىڭ كۋاسى بولعان.
“جەرگىلىكتى تۇرعىندار وتە جاعىمسىز نارسەلەردى ايتتى. ولاردى اجىراتقىسى كەلدى: ەرلەردى بولەك، ايەلدەردى بولەك. بىراق ادامدار جاسىرىنىپ ءجۇردى. (رەسەيلىك – رەد.) اسكەريلەر ادامداردان تەلەفوندارىن الىپ، تولىعىمەن ءتىنتىپ ءجۇردى. سەبەى ولار ۋكرايندىق اسكەريلەرگە ولاردىڭ رەسەيلىك تەحنيكاسى قايدا ەكەنىن ەسكەرتپەۋ ءۇشىن جاسادى. رەسەيلىكتەر ۇناتپاعان ادامداردى اتىپ تاستادى. بۇل قازىردىڭ وزىندە – بۇل قىلمىس. بۇگىن ءبىزدىڭ توپ قازا تاپقان تۇرعىنداردىڭ دەنەسىن شىعارۋمەن اينالىستى. مەن ايتامىن، بىرەۋگە ۇناماۋى مۇمكىن، ولار ولگەندەردىڭ دەنەسىن تانكىلەرمەن ەزىپ كەتتى”، – دەدى ماركۋشين.
يرپەن مەرى «قالا 100 پايىز ءبىزدىڭ اسكەردىڭ باقىلاۋىندا» دەپ سەندىردى. سونداي-اق، ول تۇرعىنداردى ءالى قالاعا ورالماۋعا شاقىردى، ويتكەنى باسقىنشىلار ەلدى مەكەندى ۇزدىكسىز اتقىلاپ جاتىر.
“بۇگىنگى كۇنى يرپەندە ءالى دە قاۋىپتى – ءبىزدى بۋچا، ۆورتسەل اۋداندارىنان ۇنەمى اتقىلاۋدا. قالا ۇنەمى «گراد»، مينومەتتەردەن، اۋىر ارتيللەريادان، تانكتەردەن جانە اتقىشتاردان اتقىلاۋدان زارداپ شەگۋدە. بىراق پەريمەتردى تولىعىمەن ءبىزدىڭ اسكەرلەر باقىلاپ وتىر. ال يرپەندە رەسەيلىك باسقىنشىلارى جوق”، – دەپ تۇيىندەدى.
“ادىرنا” ۇلتتىق پورتالى
