ماجىلىسمەندەر كورنەكى اقپاراتتارداعى كوز سۇرىنەتىن قاتەلەردى رەتتەيتىن زاڭدى ءبىرىنشى وقىلىمدا ماقۇلدادى.
بىلتىر ساۋاتسىز اۋدارمالارعا قاتىستى مادەنيەت مينيسترلىگىنە حالىقتان 3 مىڭعا جۋىق شاعىم تۇسكەن، دەپ حابارلايدى ”ادىرنا” ۇلتتىق پورتالى كتك تەلەارناسىنا سىلتەمە جاساپ.
اقتوتى رايىمقۇلوۆا، قر مادەنيەت جانە سپورت ءمينيسترى:
كورنەكى اقپاراتقا قاتىستى زاڭبۇزۋشىلىق بويىنشا مەملەكەتتىك ورگاندارعا 2018 جىلى 12 886 ءوتىنىش، 2019 جىلى 12 900 ءوتىنىش تۇسكەن. 2020 جىلى كورنەكى اقپاراتتار بويىنشا جەدەل جەلىگە (call center) كەلىپ تۇسكەن شاعىمدار سانى – 3442.
«قۇقىعىمىزدى تاپتادى» دەپ ارىزدانعان بۇقارانىڭ تالابىن ەسكەرگەن مينيسترلىك ساقاۋ جارنامالاردى رەتكە كەلتىرۋگە 13 زاڭنامالىق اكتىنى قايتا تۇزەتەدى.
ول: دەنساۋلىق ساقتاۋ جۇيەسى، ءتىل، كولىك، جارناما، تاماق ونىمدەرى، ويىنشىقتار، پوشتا، كينو تۋرالى زاڭدار. كينەماتوگرافيادا ەلىمىزدە ءالى دە فيلمدەر قازاقشاعا ساۋاتسىز اۋدارىلىپ ءجۇر. ەندى كينوتۋىندىلاردى قازاق تىلىنەن دۇرىس تارجىمالاماعان كومپانيالار پروكاتتاۋ قۇجاتىنان ايىرىلادى.
ەلىمىزگە سىرتتان كەلەتىن فيلمدەرگە پروكاتتاۋ كۋالىگى بەرىلەدى. اتالعان قۇجاتسىز كومپانيالاردىڭ شەتەلدىك كينولاردى كورسەتۋگە قۇقىقتارى جوق.
