الەۋمەتتىك جەلىدە بۇرىنعى پرەزيدەنت نۇرسۇلتان نازارباەۆتىڭ كەلىنى ايدا اليەۆانىڭ تۋعان كۇنىنە ارنالعان مەرەكەلىك كەشتەن سۋرەتتەر جاريالاندى، دەپ حابارلايدى “ادىرنا” ءتىلشىسى.
جەلى قولدانۋشىلارىنىڭ نازارىن قوناقتاردىڭ قۇرامى اۋداردى. جاريالانعان سۋرەتتەردەن نۇرسۇلتان نازارباەۆتىڭ كەنجە قىزى ءاليا نازارباەۆانى كورۋگە بولادى. قاڭتار وقيعالارىنان كەيىن ول كوپشىلىك الدىنا سيرەك شىققان.
ال فوتولاردا ايدا اليەۆانىڭ جۇبايى نۇرالي اليەۆ پەن ونىڭ اناسى داريعا نازارباەۆا كورىنبەگەن.
سونىمەن قاتار نۇرالي اليەۆتىڭ جۇبايىن الەۋمەتتىك جەلىدەگى پاراقشالارىندا تۋعان كۇنىمەن كوپشىلىك الدىندا قۇتتىقتاماعانى دا نازاردان تىس قالمادى.
ءوز كەزەگىندە ايدا اليەۆا تۋعان كۇنىنە وراي جاريالاعان جازباسىندا:
ء«اربىر، ءتىپتى ەڭ اۋىر وقيعانىڭ وزىندە ءبىر ءمان بار ەكەنىن بارعان سايىن كوبىرەك ءتۇسىنىپ كەلەمىن. ونى بىردەن اڭعارا بەرمەيمىز. جاراتقان، مەن كەلىسەمىن. قازىر جانىما باتسا دا، نە ءۇشىن ەكەنىن ءالى تۇسىنبەسەم دە…»، – دەپ جازعان.
الايدا ول بۇل سوزدەرىنىڭ ناقتى قانداي جاعدايعا قاتىستى ەكەنىن تۇسىندىرمەدى.
ەسكە سالايىق، ايدا اليەۆا – قازاقستاننىڭ بۇرىنعى ادىلەت ءمينيسترى جانە ورتالىق سايلاۋ كوميسسياسىنىڭ ەكس-توراعاسى بەرىك يماشەۆتىڭ قىزى.
