جالعان اقپارات دەموكراتيالىق ينستيتۋتتاردىڭ دامۋىنا قاۋىپ توندىرەدى. بۇل ەسكەرتۋدى يۋنەسكو-نىڭ باس ديرەكتورى ودري ازۋلە دۇنيەجۇزىلىك مەديا ساۋاتتىلىق اپتالىعىندا سويلەگەن سوزىندە ايتتى، دەپ حابارلايدى “ادىرنا” ۇلتتىق پورتالى.
تسيفرلىق رەۆوليۋتسيا دەموكراتيا قۇندىلىقتارىن تاراتۋعا جانە مادەني كورىنىستەردىڭ الۋان تۇرلىلىگىن ارتتىرۋعا كومەكتەستى، بىراق بۇگىنگى كۇنى ول جەلىدە، اسىرەسە قاقتىعىستار مەن حالىقارالىق كونتەكستتە جالعان اقپارات پەن وشپەندىلىك سوزدەردىڭ تارالۋىنا بايلانىستى ءبىزدىڭ دەموكراتيالىق ينستيتۋتتارىمىزعا ۇلكەن قاۋىپ توندىرەدى، - دەدى ازۋلاي X الەۋمەتتىك جەلىسىندە (بۇرىنعى Twitter).
ونىڭ پىكىرىنشە، جالعان اقپاراتتاردىڭ تارالۋى جانە فاكتىلەردىڭ بۇرمالانۋى شىندىق پەن وتىرىك اراسىنداعى شەكارانى بۇلدىراتىپ، ءبىزدىڭ قوعامدارىمىز بەن دەموكراتيالارىمىزدىڭ نەگىزىنە نۇقسان كەلتىرەدى.
ۇيىمنىڭ باس ديرەكتورى «يۋنەسكو مۇمكىندىگىنشە كوپ ادامعا سىني ويلاۋدى دامىتۋعا كومەكتەسۋ ءۇشىن ءوز مانداتىنا سايكەس اقپاراتتىق ساۋاتتىلىقتى قولداۋعا بەرىك» دەپ باسا ايتتى.
ايتا كەتەيىك، دۇنيەجۇزىلىك مەديا ساۋاتتىلىق اپتالىعى ءداستۇرلى تۇردە قازان ايىنىڭ سوڭعى اپتاسىندا يۋنەسكو-دا وتەدى. ۇيىم بۇۇ جۇيەسىندەگى اقپاراتتىق ماسەلەلەردى قاداعالايتىن نەگىزگى مەكەمە بولىپ تابىلادى.
