الەۋمەتتىك جەلىلەردە ۆاكتسيناعا قاتىستى تاعى دا جالعان اقپارات تاراۋدا، دەپ حابارلايدى "ادىرنا" ۇلتتىق پورتالى Stopfake.kz سايتىنا سىلتەمە جاساپ.
قازاقستاندىقتار مەسسەندجەردە "دەنساۋلىق ساقتاۋ مينيسترلىگىندە ەشكىم كوروناۆيرۋسقا قارسى ۆاكتسينا سالدىرماعان" دەگەن اقپارات تاراتۋدا. اۆتور بۇل جايلى ۆەدومستۆودا جۇمىس ىستەيتىن دوسىنان ەستىگەنىن ايتادى. سونداي-اق، دوسى ءوزى دە، ارىپتەستەرى دە ۆاكتسينالاردىڭ زياندى ءارى قاۋىپتى ەكەنىن جاقسى بىلەتىنىن مالىمدەگەن. بىراق رەسمي سايتتىڭ حابارلاۋىنشا، بۇل اقپاراتتار شىندىققا جاناسپايدى.
دەنساۋلىق ساقتاۋ مينيسترلىگىنىڭ مالىمەتىنشە، ۆەدومستۆونىڭ ورتالىق اپپاراتىندا 205 ادام جۇمىس ىستەيدى. ونىڭ ىشىندە 21 ادامدا مەديتسينالىق قارسى كورسەتىلىمدەر بار، ولاردىڭ قاتارىنا كوروناۆيرۋسپەن ءۇش اي بۇرىن اۋىرعاندار دا كىرەدى.
"ال ۆاكتسينالاۋعا جاتاتىن 184 ادامنىڭ 178-ءى ەكى كومپونەنتتى سالعىزدى، ال 6 ادام ءبىرىنشى كومپونەنت الدى. قىزمەتكەرلەردىڭ 100 پايىزى دەرلىك ۆاكتسينالاندى", – دەپ مالىمدەدى مينيسترلىكتىڭ ءباسپاسوز قىزمەتى.
"ادىرنا" ۇلتتىق پورتالى
