قوعام بەلسەندىسى، زاڭگەر ايگۇل ورىنبەكتىڭ ورداباسى اۋدانى، بادام اۋىل وكرۋگى، اقبۇلاق اۋىلىنداعى قورعاسىن قالدىقتارىن قايتا وڭدەۋ زاۋىتى قۇرىلىسىنا قاتىستى جازباسىنا سايكەس تومەندەگىشە مالىمدەيمىز:
ورداباسى اۋدانى، بادام اۋىل وكرۋگى، اقبۇلاق اۋىلىندا قۇرىلىسى جوسپارلانعان، قورعاسىن قالدىقتارىن قايتا وڭدەۋ زاۋىتى بويىنشا بۇگىنگى كۇنگە دەيىن اۋىل تۇرعىندارىمەن بىرنەشە رەت ءتۇسىندىرۋ جۇمىستارى جۇرگىزىلىپ، كەزدەسۋلەر وتكىزىلدى.
بۇل كەزدەسۋلەر قوعامدىق تىڭداۋ ەمەس، تۇرعىندار اراسىندا ءتۇسىندىرۋ شارالارى بولىپ تابىلادى. قازاقستان رەسپۋبليكاسىنىڭ 2015 جىلعى 29 قازاندا قابىلدانعان № 375-V «قازاقستان رەسپۋبليكاسىنىڭ كاسىپكەرلىك كودەكسىنىڭ» 14-بابى، 2-تارماقشاسىندا «كاسىپكەرلىكتى مەملەكەتتىك رەتتەۋ پروتسەسىندە مەملەكەتتىك ورگاندار مەن ولاردىڭ لاۋازىمدى ادامدارىنىڭ تاراپىنان كاسىپكەرلىك سۋبەكتىلەرى زاڭدى قىزمەتىنىڭ جۇزەگە اسىرىلۋىنا كەدەرگىلەر جاسالماۋعا ءتيىس» ەكەنى كورسەتىلگەن. وسى ماقساتتا ورداباسى اۋدانىنىڭ وكىمىمەن ارنايى جۇمىسشى توپ قۇرىلدى.
ءتۇسىندىرۋ جۇمىستارى ارنايى قۇرىلعان جۇمىسشى توپتىڭ ءىس-شارا جوسپارىمەن بەلگىلەنگەن. بۇل كەزدەسۋلەرگە زاۋىت قۇرىلىسىن جۇرگىزەتىن ينۆەستور وكىلدەرى، ەكولوگ-ماماندار قاتىسىپ، كۇردەلى تەحنولوگيالىق پروتسەسستىڭ جەر قىرتىسىنا، اۋاعا، سۋعا كەلتىرەتىن اسەرلەرىن تالقىلادى. ينۆەستور تاراپىنان شەتەلدە تۇرعان ءدال وسىنداي ءپروتوتيپتى زاۋىت تۋرالى بەينەروليكتەرى، سونىمەن قاتار مامانداردىڭ زاۋىت قۇرىلىسى مەن ونىڭ جۇمىسىنىڭ ەكولوگياعا زيانى جوقتىعىن راستايتىن پىكىرلەرى قوسا ۇسىنىلدى.
تۇركىستان وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنا ينۆەستورلاردىڭ ءوتىنىش بىلدىرۋىنە بايلانىستى ورداباسى اۋدانى بادام اۋىل وكرۋگى اقبۇلاق اۋىلىندا مەتاللۋرگيالىق زاۋىت قۇرىلىسىن جۇرگىزۋ بويىنشا قوعامدىق تىڭداۋ 11-ءشى ماۋسىمعا بەلگىلەنگەن.
قوعامدىق تىڭداۋ بارىسىندا ارنايى جۇمىسشى توپ مۇشەلەرى تۇرعىندار مۇددەسىنىڭ ساقتالۋى مەن ءوتىنىش-تىلەكتەرىنىڭ بارىنشا نازارعا الىنۋىن قاداعالايتىن بولادى.
