Ordabasy aýdany: "Biz turǵyndardyń múddesin saqtaımyz"

2537
Adyrna.kz Telegram

Qoǵam belsendisi, zańger Aıgúl Orynbektiń Ordabasy aýdany, Badam aýyl okrýgi, Aqbulaq aýylyndaǵy qorǵasyn qaldyqtaryn qaıta óńdeý zaýyty qurylysyna qatysty jazbasyna sáıkes tómendegishe málimdeımiz:

Ordabasy aýdany, Badam aýyl okrýgi, Aqbulaq aýylynda qurylysy josparlanǵan, qorǵasyn qaldyqtaryn qaıta óńdeý zaýyty boıynsha búgingi kúnge deıin aýyl turǵyndarymen birneshe ret túsindirý jumystary júrgizilip, kezdesýler ótkizildi.

Bul kezdesýler qoǵamdyq tyńdaý emes, turǵyndar arasynda túsindirý sharalary bolyp tabylady. Qazaqstan Respýblıkasynyń 2015 jylǵy 29 qazanda qabyldanǵan № 375-V «Qazaqstan Respýblıkasynyń Kásipkerlik Kodeksiniń» 14-baby, 2-tarmaqshasynda «Kásipkerlikti memlekettik retteý proesinde memlekettik organdar men olardyń laýazymdy adamdarynyń tarapynan kásipkerlik sýbektileri zańdy qyzmetiniń júzege asyrylýyna kedergiler jasalmaýǵa tıis» ekeni kórsetilgen. Osy maqsatta Ordabasy aýdanynyń ókimimen arnaıy jumysshy top quryldy.
Túsindirý jumystary arnaıy qurylǵan jumysshy toptyń is-shara josparymen belgilengen. Bul kezdesýlerge zaýyt qurylysyn júrgizetin ınvestor ókilderi, ekolog-mamandar qatysyp, kúrdeli tehnologııalyq proesstyń jer qyrtysyna, aýaǵa, sýǵa keltiretin áserlerin talqylady. Investor tarapynan shetelde turǵan dál osyndaı prototıpti zaýyt týraly beınerolıkteri, sonymen qatar mamandardyń zaýyt qurylysy men onyń jumysynyń ekologııaǵa zııany joqtyǵyn rastaıtyn pikirleri qosa usynyldy.
Túrkistan oblystyq tabıǵı resýrstar jáne tabıǵat paıdalanýdy retteý basqarmasyna ınvestorlardyń ótinish bildirýine baılanysty Ordabasy aýdany Badam aýyl okrýgi Aqbulaq aýylynda metallýrgııalyq zaýyt qurylysyn júrgizý boıynsha qoǵamdyq tyńdaý 11-shi maýsymǵa belgilengen.
Qoǵamdyq tyńdaý barysynda arnaıy jumysshy top músheleri turǵyndar múddesiniń saqtalýy men ótinish-tilekteriniń barynsha nazarǵa alynýyn qadaǵalaıtyn bolady.

Pikirler