ۇلتىڭا دەگەن نەمقۇرايلىق پەن بەزبۇيرەكتىڭ تاعى ءبىر كورىنىسى اۋرۋحانا مەن پەرزەنتحانالارداعى بەرىلەتىن اس.
جارىماعان ەلدەن جارىماعان ۇرپاق، جارىمايتىن ۇلت تۋادى.
مىنانداي تاماقتى وسى جىلدىڭ باسىندا ءزىلزالا بولىپ، ءۇيسىز-كۇيسىز قالعان تۇرىكتەر اش قالعان حالقىنا دا
بەرگەن جوق، بەرمەيدى دە. ءدال ءبىزدىڭ اۋرۋحانالارداعى تاماقتى تۇرىكتەر سيريادان بوسىپ كەلگەن بوسقىندارعا دا، ءبىز سەكىلدى ستۋدەنتتەرگە دە بەرگەن ەمەس.
ال بىزدە ءدال وسى تاماقتى انا مەن بالاعا بەرەدى. سوسىن سانالى، ساپالى ۇرپاق كۇتەدى.
بۇل تاماقتى وسى اۋرۋحانانىڭ كۇزەتشىسى دە، ءيتى دە ىشپەيدى. سۋعا قايناتىلعان بوتقا، نانعا جاعىلعان مارگارين، تۇسكى اس سوسيسكا نەنىڭ ەتىنەن ەكەنىن ءبىر قۇداي بىلەدى. سىلدىر سۋ سورپا. بۇنى امالسىز ىزدەۋشىسى جوق، شالعايدان كەلگەن انالار قارنى اشقان سوڭ ىشەدى. كوبىنەسە ىشىلمەي قوقىسقا توگىلىپ جاتادى. قانشاما ىسىراپ؟
بۇنداي تاماقتى ءبىزدىڭ ەلدىڭ تۇرمەدەگى اسىراپ باپتاپ وتىرعان پەدافيلدەرگە دە بەرمەسە كەرەك.
نەسى كەرەك، وسىنداي مايدا-شۇيدە، اس-اۋقاتپەن حالىقتىڭ باسى قاتىپ جۇرگەندە ۇلكەن، ءىرى، قوماقتى ىستەردى ويلانا المايتىنى ايدان انىق قوي. وكىمەت ەلدەگى ۇساق-تۇيەك ماسەلەنى شەشىپ بەرىپ وتىرماسا، حالىقتان قانداي ساپا كۇتەدى، ەي.
ال ماعان بۇل جاقتا ءبارى جاقتىرماي قارايدى، “سەننەن باسقاسىنىڭ ءبىرى دە شاعىم ايتىپ جاتقان جوق” دەيدى، مەن ايتامىن “زاتتارى جوعالسا دا بالە-جالە سومەن كەتسىن، امان-ساۋ جانىم قالسا بولدى” دەپ وتىرعان انالار ەمەس پە؟ ال، ماعان ءبارى ءبىر ەمەس.
بيىكتەن، مىنبەردەن “وتباسى، دەموگرافيا” دەمەستەن بۇرىن ەلىمىزدەگى انا مەن بالا ورتالىقتارىندا، اۋرۋحانالارداعى بەرىلەتىن تاماققا ءبىر نازار سالىڭدارشى، قۇداي ءۇشىن!
اي سايىنعى مەديتسينالىق قىزمەتكە اقشا، نالوگ نە ءۇشىن تولەپ وتىرمىز؟ سونىڭ ەسەبىن بىرەۋ بەرەدى مە؟ حالىققا مال سياقتى قاراۋدى قاشان دوعاراسىزدار قۇرمەتتى بيلىك؟
