Ultyńa degen nemquraılyq pen bezbúırektiń taǵy bir kórinisi aýrýhana men perzenthanalardaǵy beriletin as.
Jarymaǵan elden jarymaǵan urpaq, jarymaıtyn ult týady.
Mynandaı tamaqty osy jyldyń basynda zilzala bolyp, úısiz-kúısiz qalǵan túrikter ash qalǵan halqyna da
bergen joq, bermeıdi de. Dál bizdiń aýrýhanalardaǵy tamaqty túrikter Sırııadan bosyp kelgen bosqyndarǵa da, biz sekildi stýdentterge de bergen emes.
Al bizde dál osy tamaqty ana men balaǵa beredi. Sosyn sanaly, sapaly urpaq kútedi.
Bul tamaqty osy aýrýhananyń kúzetshisi de, ıti de ishpeıdi. Sýǵa qaınatylǵan botqa, nanǵa jaǵylǵan margarın, túski as sosıska neniń etinen ekenin bir Qudaı biledi. Syldyr sý sorpa. Buny amalsyz izdeýshisi joq, shalǵaıdan kelgen analar qarny ashqan soń ishedi. Kóbinese ishilmeı qoqysqa tógilip jatady. Qanshama ysyrap?
Bundaı tamaqty bizdiń eldiń túrmedegi asyrap baptap otyrǵan pedafılderge de bermese kerek.
Nesi kerek, osyndaı maıda-shúıde, as-aýqatpen halyqtyń basy qatyp júrgende úlken, iri, qomaqty isterdi oılana almaıtyny aıdan anyq qoı. Ókimet eldegi usaq-túıek máseleni sheship berip otyrmasa, halyqtan qandaı sapa kútedi, eı.
Al maǵan bul jaqta bári jaqtyrmaı qaraıdy, “sennen basqasynyń biri de shaǵym aıtyp jatqan joq” deıdi, men aıtamyn “zattary joǵalsa da bále-jále somen ketsin, aman-saý janym qalsa boldy” dep otyrǵan analar emes pe? Al, maǵan bári bir emes.
Bıikten, minberden “otbasy, demografııa” demesten buryn elimizdegi ana men bala ortalyqtarynda, aýrýhanalardaǵy beriletin tamaqqa bir nazar salyńdarshy, Qudaı úshin!
Aı saıynǵy medıınalyq qyzmetke aqsha, nalog ne úshin tólep otyrmyz? Sonyń esebin bireý beredi me? Halyqqa mal sııaqty qaraýdy qashan doǵarasyzdar qurmetti bılik?
